الجزء 68 من واش طيبتي لتعم الفرحة والبهجة فى بيوتنا

أم محمد تاج · 2014-04-15, 10:29

اقتباس:

المشاركة الأصلية كتبت بواسطة oum anouar

السلام عليكم صباحكم عسل ام محمد تاج يا سكرة خبزك يشهي حللي وناقشي لو سمحتي وشكرا.
لا اله الا الله وحده لاشريك له له الحمد وله الملك وهو على كل شيء قدير

الله يخليك ام انور ياسكرة ومرحبا بيك معانا وراح نحلل وناقش هههههه
حنونتي ديري الدقيق تاعك قيس قرصة كيما موالفة ندير معاها زوج مغارف لحظة وفنجال زيت وفنحال ماء الزهر وثلاث مغارف صغارخميرة الكسرة وزوج مغارف صغار سكر وزوج مغارف صغارملح وبيضة والماء الدافي للعجن والصراحة انا نعحن بالبيترا وحتى باليد يجي يهبل اعجني مليح وخليه يطلع ومبعد قرصية وديريلو البيض من فوق ورشيه بشوي سكر والجلجلانية انا ماكانتش عندي وخليه يطلع مليح وطيبيه على نار قاوية
نشالله نكون حللت وناقشت مليح

حقة نسيت لبنات لي سقساوني على بونارين نسميوها هك على خاطر الكفتة طيب في المرقة مرة ونزيدو نقليوها والباطاطا نحمروها ونزيدو نرجعوها مع المرقة تهز غلية ه