النبولات او النفيخات

[zamilio]

السلام عليكم
اخواتى العزيزات اليوم جبتلكم النبولات او النفيخات او سموهم كما تعرفو اناوالله ما نعرف اسمهم سميتهم هكا
المهم ناخد 3حبات بيض 3مغارف فرينة وفانى وقرصة ملح
وادا حبينا نزيد البيض نزيد الفرينة اى حبة بيض تعادل مغرف الفرينة

وايضاندير الزيت يسخن مليح مليح حتى درجة الغليان ثم نشمخ الفرينة حتى تولى كريمة مليح اى مشمخة بالزيت المغلية





ونبدا البيض وحدة ونخلط ونزيد الحبتين تع البيض الى بقاو ونخلط بسرعة باه ميطيبش البيض لانو الزيت الى درناها سخونة



نخلطجيدا بالمغرف او الفوىونبدا نقليهم فى الزيت نعمر المغرف ونفرغ مباشرة نرمى عليهم النار باه يتنفخو



وبعد ما يطيبو نعسلوهم ادا حبيتى دريلهم بستاش مطحون او كاوكاو او جلجلان كل وحدة وامكانياتها انا نحبهم عاديين


نتمنى انشاء الله اتجربوهم راهم اخفاف واهبلو تلقاى روحك كملتى الطبسى بلا ما تفيقى ودريهم للضياف ثم ثم يوجدو والسلام عليكم
ملاحظة كاين الاخوات الى تقولى انى ربما نسيت لخميرة نقوللهم لا لا مفيهاش بصح الزيت تكون مغلية لوكان تكون ماشى مغلية ميتنفخوش