كامل راه صاريلكم هكدا ولا غير أنا!!!

[L'adorable fleur]

سلام عليكم الإخوة و الأخوات نتمنى تكونوا غاية و نتمنى راكم بخير مع المراجعة أما بعد راه عندي مشكل حبيت تشاطروني الرأي فيه و هو أنني كي نجي نراجع نقلبها غير بكاء في بكاء و نقول ساي سي بون ما بقاش الوقت ما بقاش الحال سايي ما نقدرش نجيب باك بجيد و فاتتني الدروس والله العظيم ما عييت نزير على روحي و نضغط على نفسي و والو كرهت روحي والله و توجور نقول ربي كريم و الششدة في الله و قادر على كل شيء لكنني سرعان ما تجيني حالتي الهستيرية و نبدا نبكي حتى نتعب و نرقد و كل يوم هكدا قولولي وش الحل والله غير راني حاسة روحي ماشية نعاود للباك قولولي وش ندير ؟؟؟؟