السلام عليكم
كسكاس (طعام) بالحليب
بصلة كبيرة مقطعة شرائح و3حبات بطاطا مقطعين 3حبات جريوات (قرعة) مقطعين 3حبات لفت مقطعين ملح قرن فلفل اخظر حار تحطوهم في قدرة وتمرقو مباشرة الماء وتحطوه يطيب حتان تطيب الخظرة وتخثار المرقة
ولما تخثار المرقة طفو النار وتكونو في هاذي الاثناء فيضتو لتر حليب ((ومن الافضل يكون حليب لحظة))لما يفيض وهو سخون صبوه فوق المرقة الخاثرة وحركوه وهكذا يكون جاهز باش تسقسيو بيه الطعام تاعكم المفور والمسمغ بالزيت زيتون وتاكلوه بالصحة
ملاحظة الخضار تتغير بتغير الموسم يعني مكان الجريوات واللفت نديرو مكانو فول اخظر او قرع احمر((كابويا))ولفت حسب الموسم والفصل
تبقى البطاطا والبصل اساسية في المرقة
ولي يحبو القديد او لخليع ممكن يديروه يطيب في المرقة اذا كان متوفر ((حنا نديروه))
( تقرير عن مشاركة سيئة )، و الموجودة أسفل كل مشاركة .
2014-04-12, 18:57
كسكاس (طعام) بالحليب
العرض الشجري