عطر حبيبتي اييه اعطيني الوصفة خاطر راني درت تاع ريهام و كي درت نصف الكمية جاني طالع و تديفرمات شكلها
و شكرا لك
اتفضلي عطر: الوصفة راهي وصفة قديييمة
بطاطا قيس عدد افراد الاسرة انا درت 10 حبات متوسطين
قشريهم و اغسليهم و قصيهم بالروبو بهذه الطبقة
يجيوك طبقات رقااااق
حطيهم في بسينة و ملحي و زيدي الفلفل الاكحل
خذي المول و دهنيه بالزبدة و حطي طبقة بطاطا و فوقها بالمغرف حطي ياوورت طبيعي و لا فرماج كريمي
و اذا ما كانوش ديري اطراف زبدة و شوية فرماج مرحي
ثم طبقة بطاطا و فوقها بالملعقة ياوورت طبيعي ثم اذا عندك الفرماج الكاري تاع الساندويتشات و كروك مسيو ديريه فوق البطاطا
ثم طبقة بطاطا يعني الكل الكل 3 طبقات بطاطا و تكون الورقة فوق ختها شوية ماشي بعاد على بعضهم باش يجيو طبقات شابيين
خذي 4 بيض و كاس حليب و ملح و فلفل اكحل و اذا عندك ياوورت طبيعي زيديه و اذا لا ماش لازم شوية فرماج رابي
انا عندي البطاطا تغطات بهذا الخليط
دخليها للفرن تطيب و كي تقرب تطيب دردري عليها الفرماج رابي و رجعيها حتى يذوب و بالصحة و العافية عليك
( تقرير عن مشاركة سيئة )، و الموجودة أسفل كل مشاركة .
2014-04-08, 14:19
العرض الشجري