طرطة وتحلية في نفس الوقت

[أم مروان]

بسم الله الرحمان الرحيم

السلام عليكم
جبتلكم اليوم طرطة هاييييلة و بنيييينة نتمنى تعجبكم

الطرطة : 2بيضات +7 م.ك سكر + 7م.ك زيت +7 م.ك حليب + قشور القارص انا أضفت قشور البرتقال + 1 و نصف خميرة + من 7 الى 9 م.ك فرينة (اكيد الخلط بعد كل اضافة )
الطبقة البيضاء : 1 بيضة + 4 م.ك سكر + فاني + 3 م.ك بودرة الكاسترد+ نصف ل حليب نضعها في كاسرونة نحركها مليح ثم نضعها على النار مع التحريك حتى تعقد نصبها على الطرطة اللي تكون طابت و نكون حطينها في قالب الطرطات ( متحرك القاعدة ) او مول الشارلوت و نكونو شربناها بالسيرو او معجون + ماء نسخنهم شوية برك على النار الخليط يكون سائل و ثقيل نوعا ما
طبقة الفراز : 150 غ فراز + 1 فلان فراز او فاني + 3م.ك سكر 1 م.ك نشا + عصير 2 برتقال الكل يخلط في الخلاط ( الروبو ) نتحصل على خليط سائل نضعه على النار و نخليه حتى يغلي مع التحريك ثم نصبه على الطبقة البيضاء بعدما تكون بردت تماما ثم نضعه في الثلاجة و بعدها نحيها من القالب و تقدم بالصحة و الراحة
خيتكم مزروبة مراحل التبريد الكل درتها في المجمد هههههه

الحلاوة نتاعو راهي تجي موز اللي يحب الحلاوة يزيد السكر







و هذا الصحن للغاليات على قلبي