انا عجبني وانتوما *** اختكم ريتاج**

[حـــــــــــــــــوِيتَة]

السلام عليكم
اني ارجعت بعد 3 اشهر علابلي ماتوحشتونيش
اليوم جبتلكم صابلي يذوب غير وحدو فالفم حوحو يشكر روحو هعهعهع


المهم ممكن بدل ما تلصقي حبة مع حبة اتحطي لامورينغ وايجي يهبل مع العصير دارتو صحبتي في عرس اختها
العقوبة للي مازالوااااا قولو ا آمين اعيشكم

مقادير العجينة
500غ مارغرين غامولي
2 صفار بيض+1حبة كاملة
2 كيسان سكر قلاصي
2 كيسان مايزية
2 ملاعق اكل ماء الزهر
بشورليمون + ملعقة عصير بليمون
2 خميرة حلوى
1 فانيليا
1 كغ فرينة حمامة
للتزيين
مربى المشمش
جوز الهند
المورانيغ

جربتها اول مرة وكانت للأخت ام كوثر ربي يحفظها
كما انو ايشبه للصابلي انتاعها مع ان صورها لا تظهر عندي

التحضير
كما هي مرتبة في المقادير
مع انني لم استعمل كل كيلو غرام تاع الفرينة يعني المهم تبقى العجينة طرية

تحبي تلصقي حبة مع حبة بمربى المشمش وتزيني الحواشي بجوز الهند
او تحطي لامورانيغ في نصف حبة فقط ودخليها الفرن حتى تاخذ لالمورانيغ لون ذهبي خفيف
وتخرجيها وتحطي المربى ويقطعلك قاوي
اجي الذوق روعة وماتتشبعش
***
دعوة خير منكم اختكم في الله ريتاج
عجرت عن وضع اسمي في كل الصور في الحلقة القادمة ان شاء الله