حوتة في الكوشة بنة و بها

[heaven's road]

السلام عليكم
كيف الحال و الاحوال انشاء الله مرتاحييييين
سبق ليا و حطيت الموضوع هادا و ما تلقيتش تشجيع كبير و السبب اانا خاطر ما عطيتوش قيمتو درتو بالزربة
و تالمون ايجي بنين قررت نعطيه حقو و نعاود نحطو بالطريقة لي يساهلها
المقادير
حوتة كبيرة منظفة و منقية مليح مليح مليح
تتبيلة تاعها متكونة من فصوص ثوم و زيت زيتون حوالي 2 الى3 ملاعق كبار ملح فلفل اسود زنجبيل كمون و راس حانوت مع عصرة حبة ليمون
موتارد 2 ملاعق صغار
معدنوس و لي يحب الدبشة يضيفها مع المعدنوس انا ما نحبهاش درت غير المعدنوس
دوائر تاع البصل و الطماطم
من جهة اخرى نحتاجو حبة صغيرة بطاطا و جزر و شوية زاليقو او اي خضرة تحبيها فص ثوم و شوية زبدة و شوية معدنوس



الطريقة
اولا الحوتة نعمل فيها شقوق من الجهتين
التتبيلة نضيفلها الموتارد و المعدنوس و ندهن بيها الحوتة من داخل ومن الخارج و ما ننساوش نعمروا الشقوق
ندهن البلا تاع الفور بالزبدة و نحط الحوتة و دوائر البصل و الطماطم و الباقي تاع التتبيلة نضيفلو شوية ما و نزيدو للبلا و نتركو على الاقل ساعتين يتشرب مليح التتبيلة باش تجي بنببببببنة ومن بعد نغطيها بالالمنيوم و الى الفووووور تطيب



من جهة اخرى نقطع الخضر و نحطها تفور مع شوية ملح



كي تفور نذوب شوية زبدة و نحط فيها فص ثوم مرحي و معدنوس و شوية شوية ملح و فلفل اسود و نسوطي الخضرة فيها مدة 1 دقيقة و لا 2 فقط



بعد ما تطيب الحوتة نحيلها الالمنيوم و نخليها تحمار شوية



ومن بعد نزينها



و نقدمها







و بالصحة و العافية

انشاء الله تعجبكم
في امان الله