كعكة الموز و الكارمال

[دكتورة ان شاء الله]

السلام عليكم و جمعة مباركة
اليوم جبتلكم وصفة كعكة الموز ان شاء الله تعجبكم
لكن ماصورتش المراحل لانها سهلة وتفهموا الطريقة
للعجينة:
120 غ فرينة
100 غ سكر
نصف كيس خميرة الحلويات
02 بيض
ونخلطها مع بعض ثم نضيف 100 غ زبدة ذائبة و نخلط
في ايناء نضع 100 غ سكر نعملوا بيها الكارمال
نأخذ المول نتاعنا (و من الافضل يكون نتاع السيليكون باش ماتلصقش الكارمال) ونرشه بالسكر ثم نرصه بموز مقطع دوائر (حبة موز تكفي) ثم نفرغ الكارمال و أخيرا نفرغ العجينة.
ندخلها فرن مسخن مسبقا على درجة حرارة 180 لمدة 30 د لكن كل فرن يختلف عن الاخر
وبعد ماتطيب نقلبوها في صحن و بالصحة و الهنا
وهاهي الصورة النهائية
ماراهاش تبان مليح لكن صدقوني رااااااااااااااااائعة شكلا و في البنة هاااااااااايلة وناجحة من المرة الاولي

[IMG][/IMG]