مارأيكم في كفالة يتيم........ولد غير شرعي.

[أم أماني أريج]

المشاركة الأصلية كتبت بواسطة ام عمى سفيان

اختى انا عندى 9سنوات من الزواج ولم ارزق باولاد ....مشيئة الله سبحانه وتعالى حبيت نقولك مكيش وحدك فى هاد الدنيا رانا كامل نعانيو mais واش نديرو....انا كدالك المشكل فى زوجى عنده انعدام فى الحيوانات المنوية ....حاولنا العلاج لكن بدون جدى وهو تعب من الاطباء تاوعنا كل واحد واش يقول alor..جبت اخى فى عمره4 سنين و الان راه يقرا السنة الثانية ابتدائى معمر علينا الدار كيما يقولو الحمد لله يقولى ماما و زوجى يقوله بابا ..هو ممو عينينا ورايحا نقوله الحقيقة عن قريب لى رانى حاسة بلى يعرفه pasque جبته كبير 4سنين يعرف .وهكا ومزلنا نحوسو باش نديرو التلقيح بلاك علا ربى نشاله علا خاطر انا نحب زوجى بزاف ومانيش حابة نخليه malgré هو قلى يلا راكى حابة تروحى mais منقدرش نخليه......وفكرة الكفالة انا محملتهاش الله غالب نضرةالناس وين ما يلقاوك يضكروك ....ايه هدا ولدك لى ربتية من centre ...و كل واحد وكيفاه يشوفها سمحيلى اختى maisرانى حاسة بيك كتر من اى واحد...ربى يكون معانا .............."

ماعليش يا اختي ربي يعوضك عن سنين الحرمان بالذرية الصالحة المعافاة و ربي يحفظلك وليدك لي ربيتيه و أمك عمرها ما رايحة تأذيك ............ أنا للأسف أمي عمرها 53 سنة و ماتقدرش تجيبلي بيبي و أصغر اخوتي عمره 19سنة و اختي الوحيدة تدرس في الجامعة و مازال ماتزوجتش ............و هاتان الانسانتان هما الوحيدتين اللتان أستطيع تربية أولادهما و هما على قيد الحياة ...........أنا أيضا زوجي عنده ضعف في الحيوانات المنوية من حيث العدد و الحركة و عنده نسبة تشوهات عالية.و لم تنفع الادوية في العلاج لكن الله وحده قادر على رفع البلاء.