يومين ورح نرجع !!!!!!!!!!!!!!!!!

[ابن العروب]

طلعنا والوطن في العين
والدمع ع الخد نازل
والقلوب موجعين
قلنا والأمل موجود
يومين ونكون راجعين
بعدنا وطالت أحلامنا
والنكبه إتعدت الستين
من بعد المجد والعزة
أصبحنا كلنا مشتتين
ضحكو علينا بغرفتين
وبطاقة أسمها اللاجيين
ليش النذالة يا عرب
بدل النكبة نكبتين
بعتوا ال ثماني وأربعين
ولحقتوا ال سبعة وستين

لكن بالأمل عايشين
رح نرجعلك يا فلسطين
ويا بيارة جدي
يا زهرة البساتين
يا عراق المنشية المنسية
رح تبقي تاج الجبين

مع تحياتي لكل لاجئي فلسطين في الوطن والشتات

وألف تحية لذاكرة وطني ..
الحاجة صفية والحاجة زينب الجوابره
الله يمد بعمرهم وبعمر أمهاتنا جميعا

أخوكم عبدالباسط أبو ريا