الجزء 50 منواش طيبتي اليوم نعم للريجيم

إلهام07 · 2014-01-10, 21:26

ضرك حلو عينيكم مليح راني جبت تلبازي وراني نبه فيكم باللي كاين في وسطهم صورة مش مقبول الضحك عليها نهائيا

بسم الله نبداو :

قلتلكم راني نونطريني للفطير مالا راني نضت بالجمعة بكري ودرتلهم مفاجئة مسمنات للفطور يموتو عليهم قلتلهم وحدة وحدة ماكانش الزيادة

دارتنا ماما اليوم للغداء رفيس قسنطيني هي تخدم كمية كبيرة وتخبي في المجمد ومن بعد تجبد غير تفور مرة ودير الزبدة والتزيين وخلاص :

هذا بوراك خدمتو بالدول نتاوعي اللي خدمتهم نتاع ام إثري درتهم بالمرقاز والجبن ممممممممممممم :

هذي تريدة دارتها ماما :

هاكو الحار باش جوزو خخخخخخخخخخخخخ:

وهذي ثاني بربوشة بالكرمب دارتها ماما مممممممممممممممممممممممممم نموتو عليها

والآآآآآآآآآآآآآآن

نجيو للعقد المطبخية :

للعشاء درت محاجب قلتلكم راني نونطريني للفطير بصح السميد حاشى النعمة كي الطمينة

درت الكوراج وقلت ندير منو المسمن نتاع المولد ونخبيه واش نحكي وواش نعاود واش من أشكال شي تريكوات ...شي خرائط جغرافية .... ويتقطع بزاف منين نمسو برك يتقطع شيطني
ممنوع الضحك راني نبهتكم :

وليت قلقت قاتلي ماما لاه تخشني في راسك ياخي قتلك ماشي مليح السميد كمليهم مسمنات وليت استسلمت :
هوما يتنفخو غير شوية مع انني زدت شوية فرينة مع السميد بصح والو حنا مالفين المسمنات يتنفخو كيما الخبز العربي

درت القاطو نتاع فايزة نتاع صابلي البرتقال عندي مدة حابة نجربو وهايبة منو بصح انا درتو بالليمون جا حااااامض مممممممممم وريحة ونكهة الليمون واضحين بزاف بصح فيه ديفو الكريمة كي كثرت كيما هي جات باينة طعم الزبدة نصيحة ادهنو غير حق ماتلصقو فقط :
انا في التزيين قلقت ماشي متحوف كيما نتاع فايزة وأصلا نحب البساطة اختي قاتلي جا لونو اصفر يضر في العينين ههههههههههههههههه

نجيو لعقدة الرولي : درت رولي ام اماني مع تزيين نتاعي جاني مبطبط مع أنني درت نفس أبعاد البلاطو نتاع ام اماني المرة المقبلة بحول الله نقص بيضة انا من الاول نسبب عليها

اللي ياكل طرف يشبع

زعمة وليت قويدر الزدام على قولة بشرى خخخخخخخخخخخخخ زدت طبقت رولي سلطانة بصح درت نصف الكمية جاني رقيق وعععععععععععععع

وبقاتلي بزاف كرام شانتيي من رولي أم اماني مالا كملتها فوقو خير من لا تفسد جا الرولي تقولو قنفود خخخخخخ
ماتضحكوش أنا برك اللي نضحك

زعمة وليت مانخافش من لي كراب درت كراب أم كوثر هوما صح يتنفخو في المقلاة بصح ماشي كيما نتاع ام كوثر وعععععععععععععع يتنفخو غير شوية ماشي كامل انا شكيت في المقلاة كي عادت عيانة :

حشيتهم لحم مفروم وباذنجان وفرماج وحمصتهم شوية برك في المقلاة :

والآآآآآآن فقرة الاكتشافات المطبخية :

هذي مقلوبة المعكرونة بالخضار نتاع أم راضية للأخت إبداع جزائرية رووووووووووووووووعة

وهذي طبقت طريقة ام إثري في طريقة تقشير الرمان وععععععععععع حتان خلاص الرمان باش فقت في ربع ساعة فصصت كيلو رمان ، كنت قاعدة نقرعج في ملف أم إثري لقيت الموضوع وكي مافهمتش مليح رحت لليوتيوب وتفرجت وفهمت مليح والله ساهلة ماهلة

صح أسهل طريقة لتقشير الرمان

ودرت ثلاثة لتر عصير رمان وزوج لتر عصير المندرين نتاع ام رامي :

والآآآآآآآآآآآآآآآآآآآآآآآآآآآآآآآآآآن :

بحث في فائدة المجرمة أم محمد تاج

ام محمد تاج نقتلك نقتلك

طبقت الشفلور بالكرام فراش في الفرن

وراني زعفانة منك بزااااااااااااااااااااااااااااااااف

كيفاه طبق لذيذ كيما هذا ماتقوليناش عليه حتان بالصدفة سقساتك نهال نقتلك نقتلك

راحت ماما البارح شراتلي راس كبيييييييييييير نتاع شفلور باش نعاودوه حتى اللي مايحبوش عجبو

نصور ونعاود من الفرحة بصح انا راني درت شوية تعديلات فقط على الطبق وزدت فيه شوية كامومبير فقط مممم

ياااااااااااااااااااااااو جربوووووووووووووووووووووووووووووووه

وهذي آخر اختراعاتي المطبخية راني نخمم واش نسميها هايلة هايلة صدقوني لذة مممممممممم كأنو أول مرة رايحين تشربو القهوة هايلة نتاع ضياف خسارة ماصورتش المراحل عندي مدة وانا نلبز ونجرب في خلطات حتان لقيتها صدقوني رووووووووعة قهوة روايال :

بابا شربها في دقيقة قالي بنينة من بعد نعاودها ونحطهالكم بالصور بصح أتفكرو أشربو وأدعيولي