المولد النبوي الشريف وهلع المفرقعات !

[شوق الجنة]

السّلام عليكم..

كيف الحال والصّحة والاآحواال ؟


وهذي اول مشاركة ليّا في هذا القسم و ان شاء الله نفيد

و على على بالكم خاوتي قرب المولد النبوي الشريف، وبدات هـَ حواديث المفرقعات

لبارح داروها في ليكول دارولنا وحد الخلعة وسط لبنات و بدات التهديدات بالتعهّد والفصل من الدراسة

اذاتعادت الكرّة..وااااش دّاهم يا ربي؟؟؟

قرّب مولد خير الخلق؟ ولا قرّب الخوف؟ ولا قربت هالبدعة للي طلعت من غير وقت

هكذا نحتفلو بمولد رسولنا الكريم؟ هكا نهدوه في احسن يوم من ايام الدنيا

وللي يقول نحتفلو بالمولد ولا بموته؟

ياو الشناوة يخدمولنا في هادي المفرقعات واحنا نخوفو بيها بناتنا ونسواننا

للي تقطع جيبها وللي جات في وجهها وللي وللي.....

والله مالقيت وش نكتب من كثر ما قلبي تغاظ من هالحال

تفرحوا وتلعبوا معليييييييش لبرا و في بلايص باينة وتبعد الضرر عن اي شخص مي

ماشي كي هكا مظاهر و وقتاه؟ قرب المولد ونديرو راينا .. والله للي يحبّ الرسول -صلّ آلله عليه وسلّم- ماشي هكا

يحتفل بالمولد الشريف ( الشريف)، وحب الرسول من القلب و للي يحبو

يصلي عليه،يقرى سيرتو وسيرة التابعين، و يقتدي بيه وبأخلاقه وهوما تاني احتفلو

بالمولد لكن

كيفاااااااه برك كون يعرفو .. ويحشمو من للي يدير هاليوم في خاطر نبينا الكريم هذي البدع


وش من خاطر اداه للنبي بهذي المفرقعات. بكري كانو مع عشاء بسيط ويحلو الشمع و يطفيو الاضواء و

يقرو القرآن وتعلو الاناشيد الدينية المتوارثة ابا عن جد الجد ومزالت البعض في وقتنا الحالي تتعاود

بنسب قليلة والمدرح على الرسول الكريم يطلع للسماء .ذكرى شريفة في عادات صحيحة

و هنا في دارنا وصيت بابا و قتلو غير ما دخلهاش غير هكا يشروها و يطرشقوها لبرا وبلا خلايع بيها

والله خاوتي شئ ينذى ليه الجبين.. رسولنا الكريم للّي يقول يوم الدين امتي امتي ولا يقول نفسي

نفسي..و لما كانو يسالوه عن نفسه يقول: امتي امتي .فآنظر يا حبيب الله ماذا يهدوك يوم خلقك

وانّه لعاااااااار هكذا يكافئوه، بهكّذا يكون المولد والله خلصت كلماتي وغيضي بقلبي معمّر

وماأثقل كاهلي ماأثقله من امور اراها ولا املك الا الأسف..للأسف.. الا الاسف .. للأسف

وان شاء الله يأخذ هذا الموضوع كحملة توعية لهكذا مظاهر ،مش ممنوعة الفرحة والبهجة لكن الطرق

شنيعة بالله..

وش نزيد نقول بربي غير:

وا أسفاه .. يا رسول الله على أمّة تنادي من أجل شفاعتها يوم القيامة " أمّتي .. أمّتي .. أمّتي.." .. انصرنا

يا الله .. انصرنا ..

وا اسفاه يارسول الله ..لأننا لم نعد نستطيع ان نحصي كل ما نأسف منه..وان هذا المنتدى بأكمله لن يتسع لذلك..

وا اسفاه يارسول الله ..لان بعضنا مات قلبه ولم يعد قادرا حتى على الاسف..

وا اسفاه يارسول الله لاني لا استطيع ان استثني نفسي من كل ماذكرته من الأسف..اني اسفة اسفة اسفة..فمن شاء فليأسف

معي ومن شاء فليأسف عليّ أوعلى حاله....

مادام الشاعر قد تنبأ بحالنا منذ دهور

حين قال..*نعيب زما ننا والعيب فينا ** وما لزماننا عيب سوانا.

صلى عليك الله ياعلم الهدى..ماهبت النسائم ومالاحت على الايك الحمائم..

طولت بزاف عليكم والله اعذروني ما طقتش

و صلُّــــو على رسول آلله..( اللهم صلّ وسلّم وبآرك على سيّدنا وحبيبنا محمّد)

حتى كون تنسخها وتكوبيها

و ارجو التفاااااااااعل