راني متأخرة على المسابقة مالا قيموني هنا. تفضلواااا

[ريرينا]

سلاااام . حبيت نشارككم تارت درتها في العطلة و مانيش عارفة كاين مسابقة . المهم ان شاء الله تعجبكم .
شكرااا على المرور



شكرا شكرا شكرااااا لكل من شرفتني برأيها . اسمحولي ما قدرتش نرد على كل وحدة النت عندي ثقيييلة بزااف . و هاي الوصفة بتفاصيلها حتى الرسوم و ان شاء الله تجربوها . الذوق رااائع مانحكيلكمش .
1- الجينواز
اللي أنا دائما معتمدتها و ما نغيرهاش 5 بيضات +100 غ سكر عادي + م ص فاني خلطيهم ب batteur مدة 15 د ما تنقصيش في المدة الا اذا كان عندك petrin من 10 الى 12د ممكن تكفي . غربلي (انخلي ) 100 غ فرينة + نصف م ص خميرة حلويات أضيفيهم للخلط على 3 مرات و باستخدام المصفاة ثاني . يعني راكي غربلتي الفرينة 2 مرات و الخلط ب spatule أو ملعقة خشبية و ما تخلطيش بالزربة . أدخلي المغرف لتحت خلاص و دوري الصحن في نفس الوقت و طلعي المغرف لفوق يعني كلي راكي تقلبي ماشي تخلطي . المول لي الديري فيه ادهني غير القاعدة نتاعو الجوانب لا . تكوني مسخنة الفرن 180 أو لأنت و الفرن نتاعك المهم النار ما لازمش تكون عالية بزاف لازم تكون هادية . المدة من 20 الى 25د المهم ماتحليش خلاااص خاصة مع الأول . كي تشمي الريحة البنينة هاديك مليح أعرفي راها طابت و تقدري تشوفيها . أنا طفيت عليها من التحت و شعلت عليها من الفوق تحمار شوي .على حساب الفرن نتاعك ممكن ماتلزمكش هاد الخطوة .طولت عليكم هههه
أنا عملت 2 طبقات كل وحدة ب 5 بيضات
الكرام باتييير استعملت الجاهزة venoise ذوق موز .
كل ما الطيب طبقة لازم ترشيها ب sirop
قبل ما الديري الكرام باتيسيير بين الطبقتين ادهني الطبقة السفلية بقليل من كرام شانتي و حتى الطبقة العلوية ادهنيها من الأسفل يعني الوجهين لي رح يلامسو الكرام باتيسيير رح ندهنهم و هاادا باه ماتشربش الكرام باتيسيير و كي تقطعيها تلقاي الطبقات واااضحين يهبلو
التزيين
الكرام شونتي زدتلها 1 فلان فاني عطاها ذوق رااائع حتى لونو باهي وهذه الفكرة شفتها هنا في المنتدى .
أما الرسم
ادخلي ل google و اكتبي dessin hello kitty pour coloriage و خيري الرسم لي يعجبك اضغطي عليها و تلقاي على اليمين afficher l'image أضغطي عليها تظعر الصورة بحجم أكبر و حطي ورقة فوق l'écran و أرسمي عادي
ممبعد تستعملي pate d'amande عجينة التزيين أنا زدتلها ملون أبيض . تحليها رقيقة و تحطي الورقة و التبعي الرسمة بموس حتي تموريها برك . نحي الورقة و قطعي الرسمة نتاعك . التلوين استعملي الملون الوردي حلي كمية من الملون في قططططرة صغيييرة ماء و استعملي ريشة أو حتى اصبعك للتلوين . العيون و الأنف باستخدام الشكولا .
الورد عادي ب les emportes pieces شكل الوردة لي حبيتي
ان شاء الله تكونو فهمتوني و وفيت في الشرح
ان شاء كاامل تجروها
أي سؤال راني هنا
ادعيولي ربي يوفقني في قرايتي
شكراااا