السلام عليكم اخي مسلم يبدو أنك خائف من الزواج ومن تباعياته ومن تدليلك للزوجة هههههه
والله يا اخي هذا المسلسل ما راحش يخلاص حلقاتو مستمرة بين الكنة وأهل الزوج والزوج المسكين بينهما يرجع يدلل زوجتو فالخفاء ههههههه بمعنى كان حاب يشريلها لازم يخبي واش جابلها واكيد الزوجة دير براح بعد غياب زوجها وتتفاخر امام اهلو وهنا تشعل النار ويبدا الكلام الزايد راهي ساحراتو وراهي مهبلاتو ووليدنا ماكانش هكذا وواش بدلو سبحان الله اللي بدلو كان أعزب ورجعت مرا مسؤولة منو وهذي زوجتو قدام ربي يتحاسب عليها لكن بشرط كاين ازواج يدلل مرتو ويبيع أمو هنا غلطة وغلطة من الدفاع كبيرة بزاف بمعنى كان يدلل مرتو على حساب أمو هنا هو السبب في خلق عداوات او شرارة كهربائية بين الكنة والحماة ويحاول يرضي الطرفين واش يدير الله غالب هو مضطر حتى يعيش بسلام
وأيضا الزوجة من المفروض ما تكونش انانية ليها وبرك ولأهلها لالا كان هو نسى هي تفكرو إنو كاين أم تنتظر إلتفاتة منو أو اخت فالدار ما فيها والو لما يشري حاجة لمرتو يتفكر أختو أو امو بحاجة على العكس هنا قدام ربي راه دار امر مليح
برأي السكن الإنفرادي أحسن للجميع يدلل على روحو ويشريلها واش يحب ويولي عنتر زمانو خير من يجيب مرا مع اهلو وتولي النار شاعلة يدخل بالبخور يخرج بالراقي يقولك مسحور ههههههههه وانا نشوف الزوج هو البنزين يشعل فالنيران حاب يدلل مرتو يدللها ربي يسهل عليه لكن يراعي أمو هي كبراتو وتعبت عليه ورجعاتو راجل وفالأخير تلقى غريبة دخلت لحياتو وداتو منها ههههه الحرب العالمية شكرا لك
( تقرير عن مشاركة سيئة )، و الموجودة أسفل كل مشاركة .
2013-12-09, 11:59
العرض الشجري