إني خيرتك فاختاري.......هل هو ارتباط أم انتقام؟؟؟؟

[ويناروز]

المشاركة الأصلية كتبت بواسطة soso sirin

السلام عليكم نيروز ان شاء الله تكوني بالف خير

صراحة يا نيروز هذا النوع من الرجال انا مافهمتش كيفاش يخمم راك باغيها ماتخدمش روح اختار وحدا مريحة في الدار لكن تروح تخطبها و هي تخدم منبعد مايعجبكش الحال هاذي مكانش منها كامل.نقولو ممكن الطفلة عجباتو و فيها المواصفات الي هو راه يحوس عليها لكن من الاحسن نهار تروح تخطب تقوللها يا بنت الناس الخدمة انا و ياها مانتفاهموش و هي تشاور عقلها قبلت اللهم بارك ماقبلتش كل واحد يجيبلو ربي من جهة وخدخرا .قصة صاحبتك هنا الراجل صراحة ماعندوش الكلمة و الي ماعندوش الكلمة مايندارش فيه الثقة و هاذي تاع يا انا يا الخدمة ماهيش كامل هدرة .و خلى حتا قرب العرس باه هدر معنتها تقبلي و لا تخبطي راسك على الحيط .الله يهدي ماخلق والله ممكن كون جابهالها بالمسايسة ممكن كون قبلت و ريحت في الدار لكن هو اختار وحد الاسلوب صراحة يدل على انو ماعندوش شخصية .الثقة في الحياة الزوجية حاجة مهمة بزاف اذا انكسرت حاجات بزاف راح تتبدل .

وعليكم السلام ورحمة الله وبركاته وسيلة
الحمد االله وانت كيف حالك اتمنى تكوني بالف خبر

شكرا وسيلة على ما تفضلتي فيه ويبقى الصراحة والتفاهم اول خطوة يقوم بها الطرفان
لتكون الامو واضحة وليس وضع الشريك امام امر الواقع
شكرا لك على تفاعلك مع الموضوع
تحيتي