** بيتــــــــــــــــ♥ــــــزا جزائــرية ** pizza couverte

[ladymillion]

أتيت لكم أحبتي بأُكلة ان شاء الله تعجبكم

بيتزا جزائرية أي PIZZA COUVERTE بعجينة فيلو وأكيد بالخطوات المصورة والشرح يارب يكون شرح وافي بالنسبة ليكم



بسم الله

العجينــــة :

كيلت بالكأس 250ملل لي في الصورة وماشي كامل

5 كيلات فرينة
كيلة واحدة من المارغارين دايبة ( أنا عملت نصف زيت ونصف الاخر زبدة ذائبة )
ملح حسب الحاجة
ماء نلم العجين



اولا نبسس الفرينة بالمارغارين دايبة وندلك باليد ومن بعد نلم العجين بالماء وتكون العجبنة طرية بعض الشيء ، نعجنها ملييييييح حتى ترجع عجينة ملساء نقسمها الــى 6 ونكورها ونخليها ترتاح نغطيها بكيس بلاستيكي



|||||||||||||||||||||||||

الحشو : سهل التحضير وبسيط من حيث المكونات

نحضر حبة بصل كبيرة مقطعة صغييييييير
حبة طماطم كبيرة مقطعة في الصغيييير
فلفل حار أخضر شرائح رقيقة ( لي يحب الحار )
م ص ملح ،ثوم ، فلفل أسود ، نصف م ص كمون ، م ص هريسة ، م ك طماطم مصبرة



نضع الزيت في المقلاة تسخن شوي ونضيف البصل المقطع + رشة ملح ونخليها تتقلى شوي في الزيت أكيد لونها راح يتبدل وتذبل غير شوي نضيفلها الفلفل ونقلب مرة على مرة



نضيف الطماطم وباقي التوابل ونقلب شوي ،،، الطماطم راح تتلق الماء نخليها تغلي شوي وراح ينشف منها الماء شوي نطفي نخليها تبرد



تحضير البيتزا :

ملاحظة : انا عملتها بالماشينة لكن إذا ماعندكش تقدري تفرديها بالحلال ورش شوي من النشا لكن لازم تحليها رقيقة على قد ماتقدري وتبعي الخطوات

نحضر الماشينة + النشا + مارغارين دايبة مع الزيت يعني نص بـــنص



ندهن الصينية لي ندير فيها بالزيت او مارغارين (( الصينية لي عملت فيها 30*38 ))



نجيب كويرة نرش فوقها شوي نشا
المرحلة الاولى : نحلها في رقم 1 ،،، بعد مانحلها للمرة الاولى نرش النشا ونطبقها على 3 كيما في الصورة لاحظي





نزيد نكرر ونحلها في رقم 1 بهذه الطريقة كيما في الصورة يعني على حافة التطبيقات الثلاثة

بعد ماحليتها للمرة الثانية نزيدلها للثالثة في رقم واحد مزلنا فيه ،،، نرش النشا ونطبقها على اثنين ماصورتش نسيت لكن سهلة طبقي الشريط على اثنين وزيدي حليها في رقم 1 ( للمرة الاخيرة )

المرحلة الثانية : نحلها في رقم 3 مرة واحدة اليك الصور




المرحلة الثالثة : نحلها في رقم 4 مرة واحدة




المرحلة الرابعة : نحلها في رقم 6 مرة واحدة



الان نحط كل شريط فوق الصينية ويكون طويل باش يغطي حواف الصينية ويكونوا القطع متقاربين لبعض




كل مانخلص طبقة ندهنها بالمارغارين والزيت



الطبقة الموالية الاشرطة نحطهم متعاكسين على لي تحت لاحظي الصور في كل طبقة نعكس




نكمل الطبقات 3 ونحط الحشو وفوقو فروماج رابي لي تحب تزيد في الحشو زيتون أو طون .....حسب الرغبة



ونكمل نحط الثلاث طبقات المتبقية بنفس المراحل السهلة السابقة مع الدهن بين الطبقات

لما نكمل العمل نثبت مليح عجين الحواف بالاصابع ونقطع الحواف الزائدة




من فوق نحتاج ( بيضة + م ص زيت + م ص خل ) للدهن
ندهن البيض من فوق ونرشق حبات الزيتون ،،، من بعد نقطع حبات البيتزا



وندخلها للفرن يكون سخون قبل على درجة 180° وطيب براحتها

بعد 20د راح تبدا تتنفخ



خليها طيب حتى تتحمر أنا شعلت من فوق تحمرت مليح وخرجتها ،،، خليها تبرد شوي






وقدميها تجي مقرمشة ولذيذة ان شاء الله تجربوها وتعجبكم

القرمشة تبقى حتى اذا خليتيها يوم كامل محطوطة فقط خليها في الفرن حتى اذا حبيتي تزيدي تاكليها للعشاء (( لكن اذا سخنتيها في Micro-onde يروحلها التقرميش ماتجيش مليحة سخنيها في الفرن أحسن ))



\\\\\\\\\\\\\\\\\\\\\\\\\


دمتم في حفظ الله