من يومياتي في المدرسة ههههه بقلمي 1

[medscd]

السلام عليكم

علابالي بلي توحشتوني بزاااف بزاااااف واااااااو كم انا محبوب ( مغرور) هه

ايا طلع نهار جديد ورحت نقرا وكي العادة متأخر بنصف ساعة هه نمشي بخطوات ثقيلة شوي

ليس لانني مريض ... وانما بغيت نبان .... شريت حذاء ايرماكس حرة ب مليون هههه

وسروال zara شمع يلمع وضربت فيها تريكو صفر واش نقوللكم على 10 كلم يسموك تشوفني وتبقى تكحل فيا

مع تسريحة شعر بسيطة لان لا توجد تسريحة تجي على شعري هههههه

ايا وجلست في القنت ههه الزاوية الاخيرة ودرت كراع فوق كراع هههه

أيا جا ليا الأستاذ ومقلق مني وقالي واش هذا التاخير ههه ووين راهي ادواتك

واقيلا انت ما تحشمش على روحك

قتلو الله غالب شيخ اديت امي لطبيب ( الله يغفرلي ) هههه

والكتاب تاعي سلفتو لواحد ما جابوش وراهو غائب اليوم وهكذا قولبت الاستاذ ههه

ومبعد يسقسينتي ويقولي وين راه التحضر واقيلا ثان اديتو لطبيب يصححو

ولا ثان عطيت التحضير للغزليف صاحبك ههه

ايا والقسم يتهول ههههههههه وتنفجر قهقهقات من الضحك

ويزيدو يشجو زميلهم انا المدعو السيمو

وي السيمو ..... ألي السيمو .......

اه يا عمري اه يا عمري ...... والسيمو شحال شباب

اه يا عمري اه يا عمري ...... والسيمو شحال شباب

ههههههههه

في حالة من الهيجان في القسم

مما يجعل الاستاذ يفقد اعصابه ويقول بكل قوة

هدووووووووووووووووووووووووووووء

هههههههههههههه

ومبعد يقولي يا سي محمد ولي تجي في الوقت وجيب ادواتك

ويروح الاستاذ لمكتبه على الاقل يسترجع شوي انفاسه

وكي يريح يجبد ورقة الغياب و يصيب

اسمي بالبووووووند العريض وبالاحمر

اسبوع كامل من الغياب

ويصرخ عليا ويقولي روح جيب ورقة الدخول

أيا كي العادة بثقل نرفد ادواتي ونروح قوش دروات قوش دروات خارج من القسم

وكي جيت خارج من القسم قتلو

شحال شباب وحنين انت يا شيخ الله يحفظك

هههههه

ونزيد نهول القسم هههه

وشيخ يخزر فيا بنصف عين ههههههههه

خرجت ورحت و
.
.
.
.
.
انتظروني في الحقلة 2 القادمة ليومياتي في المدرسة

اهداء لكل من يحبني ويتفكرني في خاطر قاع لحباب

osama100

شدى العطور 15

.
.
الخ ماتقولوش نسيتكم والله راكم في البال

الله يحفظكم

تقبلو تحياتي اخوكم محمد العين دفلي المجنون بأفكاره