نكتة من الواقع !!!

[fouzia-dz]

بسم الله الرحمن الرحيم.
السلام عليكم ورحمة الله تعالى وبركاته.

كاين ثلاثة كانو يمشو مع بعض (لحق وقت الغداء) جيعانين بزاف ، لكن المساكن ماعندهم والو في جيوبهم .
حارو كيفاش يديرو.
قاللهم واحد كيفاش رايحين نبقاو هكذا ؟؟؟


انا من رايي ندخلو للريستورو ناكلو واش انحبو (كي يلحق الخلاص نقولولو اسمحلنا ما عندنا والو باش نخلصوك) ، بصح لازم نتحملو العواقب ، بالاك يضربونا ((المهم نخرجو شبعانين)).

المهم الثلاثة دخلو،طلبو بزاف الماكلة،المهم المأكولات من كل الأنواع وباللحم.
وهوما ياكلو (جاء واحد فقير دخل للريسطورو يطلب ((صدقة لله يا محسنين)) ).
قالو واحد من الثلاثة أرواح ريح كول معانا .
الفقير طار بالفرحة.
عيط للسارفور شوف واش ياكل خونا.


المسكين الفقير أحشم .
قالو جيبلي ( صحن لوبيا ).


الأربعة كملو الماكلة حتى شبعو مليح مليح .
واحد من الجماعة نادى لصاحب المطعم.
قال له (تصدق ولا ما تصدقش ) ، ما عندناش باش نخلصوك.
صاحب المطعم زعف بزااااااااف ، وقاللهم كيفاش تتمسخرو بيا.


راح اتصل بالشرطة ، حضرت سريعا.


حكالهم الحكاية ، الشرطة قامت بتفتيشهم واحد واحد .
الثلاثة ما لقاوش عندهم ولا مليم.

الفقير لقاو عندو 6000 دج.

صاحب المطعم أخذ حقه كاملا من 6000 دج.

الفقير هذا قعد يندب في حظو.

الثلاثة كي خرجو شافو للفقير قالولو (واش نروح نشربو أتاي ؟؟؟؟؟) ههههههههههههه






أتمنى أن تعجبكم