الميمة شمعة

[فاطمة شلف]

الميمة شمعة وفالدار ضاوية
والدار بلا بيها خاوية
الميمة فراشي وغطايا
وهي حنيني ودويا
الميمة تمسح الدموع
وتشفي لجراح المعطوبة فضلوع
الميمة قنديل سهرت الليل وحملت طويل
وعانت كثير وانا الدليل
الميمة تعرات وفالدنيا قصات
مشات حفيانة ومن رجليها عنات
عملت من اجل لولاد مع لبنات
وكلام الناس يسقي السم ومايرحم ياسدات
ياربي راك تشوق جعلها في ميزان الحسنات
ياالله وجازي عليها عندك فالممات
كاين لدير الميمة كتاج فوق الراس
وكاين ليحسبها قباعة ثقيلة نحاس
كلامي موجه ليك يالي بايع الضمير
لزم عليك تجني دعوة الخير
قبل مايفوتك القطار وتندم
راكتخاف على رزقك يروح وساسك يتهدم
الميمة وجه الخير
وصلاة عليك يانبي طهى البشير

بقلم فاطمة شلف