{ التّــحــدي الرابع} أول مهمة ليلية لنـــا

[ميمي سمية]

الســلام عليكم ورحمة الله تعالى وبركاته

كيف حالكم بعد يوم دراسة متعب؟ اعلم انكم متعبين ومرهقين جداااا لكنني اعتقد ان هذا لن يؤثر عليكم ويجعلكم تنسحبون من اول مهمة ليلية لنا ..



لقد قمت بفتح موضوع من أجل التصويت وكانت المادة العلمية الاولى هي {الرياضيات} وتليها المادة الادبية {الانجليزية}

لكن اعرف ان كل شخص لديه ظروفه وهناك من لديه فرض غدا في مادة اخرى غير هذه المواد لذلـــــــــك قررت التالــي:

سنجعل الرياضيات + الانجليزية كمهمة ثانوية فقط ، وكل واحد منكم فليدرس ماهو بحاجة له غدا

{اذا كان عندو فرض غدوة واذا مكانش عندو غدوة فرض فمن الاحسن انو يقرى رياضيات + انجليزية }


فيما يشترط في الرياضيات ، مراجعة مادرسته هذه الايام الاخيرة + ارفاقها بــ 7 تمارين من المرجح + تمارين من الوحدات الاخرى لان هناك من درس الاشتقاقية وهناك من لم يدرسها بعد ..

أعتـــــــذر منكـــــــــــــــــــم لأن اليوم لاتوجد اي مساعدة والسبب ان الوقت ماكفانيش باه نجمعلكم مواضيع ولا دروس


++++++++

انتبهوا لما سأقوله الان ، مهمة اليوم الاساسية هي ان تسهر حتى 00.00 او تفوق ذلك لكن بشــــــــــرط : انك تسهر تقرى

ماشي تسهر تكونيكتي ولا تتفرج في أخبار الماتش { معليش راح تديو اجازة نهار تلعب دزاير ومهمة نهار الثلاثاء

راح نخليوها خفيفة + تونس راهي خسرت يعني ذك راح تروح تقرى بلا ماتخمم في الماتش هذا واخبارو ، اوك؟؟}




في الحقيقــة سأخبركم بالشيء الذي جعلني أتحمس وأقترح عليكم السهر هذه الليلة ، في هذا الصباح لقيت صحبتي

بيباتلي على 1 و 2 و3 تاع الصباح وعندما سألتها قاتلي {كنت نقـــرى ونوجد روحي للامتحانات }!!!!



امالا حتى أنتَ وحتى أنتِ ... شدوا رواحكم وخليونا نسهرو اليوم من جالت قرايتنا على الاقل مراكش حتسهر وحدك راح

تسهر أنت ومجموعة من الاعضاء وراح تكونوا تقريبا تخدموا في نفس المهمة



والتقائنا يكون غدا صباحا أو مساءا وفي هذا الموضوع بالضبط ، ليقوم كل واحد منكم بكتابة {كيف كانت أول مهمة

ليلية ليه + يقولنا وش دار في الليلة هذيك كامل وعلى قداه رقد وعلى قداه ناض}



خليونا نشوفو شكون القافز وشكون القافزة اللي راحين يربحوا !!!!؟؟؟؟؟


ذك ماعليا غير نقولكم اتهلاو في رواحكم وتصبحوا على خير وغدوة نتلاقاو ونسمعو خباركم....