الشعب الجزائري لا يرقى لمستوى النقاش الاعلامي

[مريم الصابرة]

السلام عليكم اختي
والله أستعرب من جملة زعمى جامعيين شوفي جامعي او عاطل نحن نتكلم لغة واحدة رأينا من راسنا يا اخت لو انا فالشارع تسالني هذاك السؤال علاه لازم نجيبلها خطبة حتى نمد راي لالا نمد رأي من باب واش رانا عايشين من واقعنا اما الزخارف السياسية والكلمات المنمقة خليناها لأهل الإختصاص للسياسيين لو النقاش فعلا سياسي شوفي تفرحت فيديو الآن لو لقيتو نحط الرابط ونخليك تسمعي كلام شباب شوفي زوج كلمات قالهم شاب يخلو العالم يسكت وهنا تكفي بمعنى الحر بالغمزة والبرهوش بالدبزة معناها بلادنا تمشي فيها المعاني اكثر من الهدرى المنمقة والمزوقة الشعب قلبو خارج يهدر باللي عايشها وأغلب الناس خوافة يهدر رأيو اليوم يلقى روحو بايت فالسيلونة غدوى عليها نقاشهم والصحفية هذي لو إنت تحاوريها تلقايها بلا مستوى شوفي نشوف الفيديو ونرجعلك إن شاء الله
شكرا
شوفي طفل في عمرو واش يقول اللي ما قالوهاش الكبار حتى نلقالك الفيديو لاخر
https://www.youtube.com/watch?v=iqQAhTin0nw