حبيبتي سامحيني والله لاكونيكسيو هبلتني نكتب ومبعد مانلقاهش والله هبلتني
هام ليك ثلاث وصفات روووعة مجربة وهايلة وزاكية
مربعات القارص:
250 غ مارغارين طرية وكاس سكر حرش وزوج ملاعق أكل عسل وزوج ملاعق أكل حليب و50 غ كاكاو أسود تقريبا زوج مغارف كبار وزوج ملاعق كبار بيكاربونات والفرينة لمي بيها أقسمي العجينة الى قسمين وحلي كل طبقة وأثقبيها بالفرشيطة وحطيها طيب على ظهر سنيوة باش يجيك العمل ساهل كي طيب نحيها بجيهة وزيدي طيبي القسم الآخر كي يطيبو حطي بيناتهم الكريمة التالية وزيني الوجه بالشيكولا سوداء ذايبة وخطوط من الشيكولا البيضاء وقصيه مربعات
الكريمة: نصف لتر حليب نقصي منو كاس وعوضيه بعصير القارص وضيفيلو كاس سكر حرش وثلاث مغارف نشاء وزوج صفار بيض وطيبيها حتان تخثار صدقيني روووعة
( تقرير عن مشاركة سيئة )، و الموجودة أسفل كل مشاركة .
2013-10-27, 20:29
العرض الشجري