الحلوى بالكيردون والحاشيه لي طلبتوها

[ريمه]

السلام عليكم اخواتي
بعد ما نزلت الوصفه الاولى من هذا الموضوع لي طرحته والصور موجوده فيه
https://www.djelfa.info/vb/showthread.php?t=1443066
ليوم حبيت نزل الوصفه الثانيه
اولا نبدأ بالمقادير
1 كوب زبدة ذائبة
1 كوب بيمو
1 كوب فرينة
1/2 كوب حليب بودرة
1/2 كوب جنجلان محمص
1/2 كوب من حلوة الترك تقدرو تعملو كمية اقل
عسل لجمع العجينة
وشوكولا وحلوى وكيردون والحاشيه وكاسات للتزيين
نقوم بتحميص الفرينه وبعدها الحليب بودره والجنجلان
نجمع الكل بالعسل ونشكل كريات نخليها تبرد شوي في كونجيلاتور ونحضر الشوكولا
نغطسها بالشوكولا ونزينها كيما نحب وتقدرو تتركوها هكذا ونخليها في بلا فيه ورق المنيوم ولا ورق المطبخ حتى تنشف
انا استعملت غرفية ومش كوب وقطعتلي حوالي 70 حبة
شوكولا مستعمله مينا 3 علب حتى جاتني الشكولا مركزه
من الفوق بالنسبه للديكور انا رشيتها بحبات حلوه ملونه فيهم نكهه تاع حبة حلاوه
واستعملت كيردون والحاشيه غرست كيردون في الوسط بعد ما نشفت شوكولا و درت حاشيه وربطتها عليه بابيون وديكوريت بيها البلا تاع القاتو والبقيه خليتهم بلا حاشيه[
نتمنى تعجبكم واي استفسار راني هنا
تحياتي