البَـرازقُ الــسوريُه ,,, لمُحـبـي الج نــلآَن

[staifia]

الســــلام عليكم يا جمــــاعة الطبخ والمــأكولاتـ
إن شاء الله تكونوا بخير و عديتوا لاباس يا ربـ
هادي الوصفة سوووورية وكنت ديما نشوف في المسلسلات السورية يحطوها في مناسباتهم جاني الفضول نعرفها قاعدة نحوس في عمي قوقل حتى لقييييييييتها
ايا جربــــتها وممبعد كي صلحتلي ايا قلت والله ما نبخل خواتاتي
بلا مانطولوا في الحديث
بــٍسم الله ,,,

المقـــادير :
250 غ مرغرين
نص كاس سكر قلاصي
فاني
بيضة
نصف ملعقة صغيرة خميرة
فرينة حسب الحاجة
بياض البيض للدهن
جنجلان
عسل

التحضير :
للأسف ما صورتش المراحل ,,, لكن نحاول نشرحهم

نبدا نضرب بالباتور المرغرين مع السكر حتى تولي كريمة ,, ثم نضيف بيضة والفاني ونواصل الضرب
وبعدها نضيفو الخميرة والفرينة حتى نتحصل على عجينة طرية ,, ملازمش تجي طرية بزاف باش تقدروا تحلوها بالحلال

وبعدها ادا حبيتي تجيك ساهلة ابسطي العجينة فوق الفيلم ,,,, على سمك 3 مم ,, وقطعي على شكل دوائر متوسطة انا قطعت بكاس كبير شوي .,,,.. ثم نجيب بياض بيضة وندهن الحبة على الجهتين و نغطسها في الجنجلان على الجهتين كدلك
ونحطها في بلاصو مدهون طبعا ودخلها للفرن بدرجة 180 حتى تحمار شوي من تحت و من فوق
وبعد ما تطيب أغطسيها في العسل وممبعد كوليها وكي تخلصي أغسلي الماعن لي درتي , وبصحتكم

هادي الصور



ونـتمنى تعــجبكم ,, ولاتنسوا التقــييم
سلاامي