اقنعوني !!!!

[عماني نور]

لووكان مانعرفكش آآآآآآآ خروب بلادي نقول بانان

تعجبووووني طايحين عليه غير مواعظ ،، و في كل دورة نلقاو زوج لاسقين في بعضاهم

الي يشوفكم تهدرو هنا مايشوفكومش فالواقع

ياااا جماعة الخير ،، بالملتزمين بللي لاعبينها ...... كيما يقول المثل السوري " حارتنا ضيقة و بنعرف بعض " يعني كلنا عايشين في مجتمع واحد ،، و عارفين خرايبو واحدة واحدة ،، و البنات الي قاعدين يلعبو فيها زعما زعما عمرهم ما شافو في واحد ولاّ هدرو مع واحد

انا نقوللكم " مع احترامي " ما نأمن حتى واحدة ،، لاخاطرش شفت بعيني بنات في الجامعة و فالإقامة الجامعية كيفاش ينوفقو ،، بالخميس كي يجي باباها يديها تولي اختينا ،، و من الأحد - الأربعاء ربي يستر على ولايانا

و كي تهدر معاها تقولك انا بنت فاميليا و انا و انا و انا ،،،

ماناش نقولو ماكاش بنات الفاميليا ،، انا راني بنت كيما انتوما ندعي ربي يسترني و يستركم و يستر كل بنات المسلمين
مي اخطونا من النفاق و عالم المثل

انا واحدة نهدر مع الدراري (( طبعا ماشي أي دراري )) ،، مي مانكذبوش على بعضانا ،، رانا في مجتمع مختلط ،، يعني فالقراية نلقاو دراري ،، فالخدمة نلقاوهم ،، فالسوق ،، فالمستشفيات ،، فالزنقة ،، في كل مكان نتعاملو معاهم بشكل يومي و بلا مزيتنا

الفرق ،، طريقة الكلام ،، و طريقة المعاملة و هنا الي تقدر تحكم على الطفلة

يعني انا شخصيا نلقى بنت تهدر مع طفل باحترام و ادب ،، و محترمة نفسها ووالديها و فارضة عليه احترامها ،، حتى انا نحترمها

مي نلقى واحدة بالجلباب ،، مقشطة و قاعدة فالجامعة تمضغ فالـ chewing-gum مع دراري و تضضضضضضحك و تخمس ،، و حالتها حالة ،، في قلبي نقول الله يعفينا

بنات الفاميليا كاينات ،، و مام ولاد الحلال مازالو منهم و عليهم ،، مي الفكرة تع البنات ماديات ،، و الرجال خداعين هي الي خسرت فكر كامل الشعب

و فرضت على الجميع أنو يتعرف على الي رايح يربط بيها حياتو قبل ما يتورط في علاقة جادة

ظوكا المثُل الي راكم تقولو فيها هنا ،، ياااريت راهي منتشرة بالكم الي راكم حابين توصلوه

مي الله غالب " الشاذ لا يقاس عليه "

و الواقع يبين هذا