الجزء 31من واش طيبتي اليوم؟

*ام رامي* · 2013-10-09, 16:42

اقتباس:

المشاركة الأصلية كتبت بواسطة فريال88

ام رامي اطباقك تشهييييييييييييييييييي

حبيبتي زيدي اشرحيلي الطمامط كيف تخدميها ربي يحفظك ومن فضللك وصفة اخر طبق الله يحفظك

وما تنسيناش في وصفات بالبسباس الله يبارك فيك ويحفظك

الطماطم تقسمي الحبة على اثنين وتحطيها في كسكاس وتفوريها
ثم تقشريها راح تلقاي القشرة ثم ثم تطير
وترحيها في الرحاية اليدوية نتاع الطماطم الشوائب كلها والبذور تبقى فوق وما تتخلطش مع الطماطم
حطيها في قدر واضيفي لها طماطم مصبر شوية برك وملح وشوية سكر وخليها حتى تنشف من الماي وتولي صوص عاقدة
خبيها في بورت مونجي
اخر طبق راه فخذ دجاج محشي راني حطيت المراحل في الدرس 25 بالتفصيل
والبطاطا قليتها ومن بعد حطيتها في الصوص اللي طلقها الفخذ وقدمتهم مع حميس
البسباس اضفته لبطاطا كوكوت اللي سبق وحطيتهالكم في قسم المقبلات

اقتباس:

المشاركة الأصلية كتبت بواسطة ام نور و جمانة

ماشاء الله ام رامي نفس طريقتي فقط انا نخلط كلش في الروبو منذوبهاش الشحمة ونعملها كويرات صغار

اممم فكرة مليحة
انا جربت رحيتها نلقى فيها خيوط ما يترحاوش علابيها وليت نذوبها ونصفيها باه نتخلص منهم
وبكري كنا نهرسوا كل شيء في المهراس وتجي هايلة
مشكورة اختي