عادات مكتسبة ام من صنعها؟

[مريم الصابرة]

المشاركة الأصلية كتبت بواسطة عبد الجليل 14

اهلا اخت مريم مساء الخير
والله صراحة موضوعك اثر فيا وفكرني بجدي ربي يرحمو
ربي يرحم خالك ويعظم اجركم ويصبركم على فراقه
حقيقة تغير امر مجتمعنا اليوم ولينا نشوفوا العجب العجاب خاصة في الموت ياخي حالة وصلنالها نساء متبرجات وضحك ولهو تقول ماعندهمش قاع ميت ولا ميتة ويزيد يقولك كبير تقول الموت تفرز كبير ولا صغير لاحول ولاقوة الا بالله والموت حق وحق الحزن مابقاش في هاد الزمان ياحسراه على يامات زمان وجدودنا مكانش اللي كان يحل الشارب على خوه الكل يصبر في خوه على فراق الحبيب والغالي الموت زينة وتلم الشمل قاع وزيد الموت ولات بالمعرفة ها مكانش اللي جاني في بويا مكانش اللي جاتني في عرس بنتي الله يستر هادي جديدة عندنا والله ناس تكسب الاجر وناس تعد شكون جاها ودار الواجب معاها والجنائز الله لايشوفك مازال رانا نشوفوا غي في الجديد ربي يجيب الخير ويصلح حالنا واحوالنا يا ربي تستر
شكرا لكي على الموضوع اخت مريم بورك فيك

السلام عليكم اخي
اللّهم آمين بارك الله فيك اخي وربي يجازيك
صح الجنازات تبدلو والحزن كما قلت تبدل فالنفوس والله يا اخي إحنا تخلعنا في زوجة خالي لدرجة قلنا كانت تستنى فيه يموت يعني مش دير امور حرام او نواح او لا لكن على الأقل بكاء الرحمة يعني تغيضها العسرة وزوجها مات وخلاها وحيدة مع اولادها يعني على الأقل تتفكر العشرة بيناتهم والو من مات خرجت من الغرفة ومادارتش قدامو تتخيل دير فالسندويش وتاكل يعني قتلهم تمدلي شوية من قلبها كالحديد
ولبسو وعجبو تقول العرس الحق خالاتي يعني اثر وفي كامل اللي جاو لجنازة بكاو عليه بحرقة وغاضهم خوهم نقولك الح يا اخي مهما تكون مرتك لكن ختك ما تعاودش تتخلف لانو بنت الناس حاشا اللس ما تستاهلش قادرة عادي مت الله يرحمك والله ما تزيد دور في طريقها لكن ختك انا شفتها من خلاتي يعني رفدوه وقامو بيه ولاما مات الجنازة كاملة وهوما يبكو ولما كانو دايينو ما نقدرس نحكيلك واش دارو اما هي عادي تهنات ربي يهيدها بارك الله فيك ربي يهدينا يا رب