صباح الخير عليكم كامل اليوم حبيت نمدلكم وصفة الورقة باللوز
المقاديركيلة سمن ذائب و 4 كيلات فرينة وشوي ملح وتبلي بماء وماء زهر حتى تتحصلي على عجينة نحي منها جزء صغير لونيه بالاخضر والباقي ابيض
حضري حشو 3 كيلات لوز مقشر ومرحي مع نص كيلة سكر ناعم وشوي ماء زهر وتلمي بالبيض كل رطل لوز لازملو بيضة
حلي العجينة البيضاء رقيقة بالحلال او الماكينة واطبعيها بطابع الورقة وغطيهم بالنيلو نتاع السني باش ما تنشفش وزيدي حلي الحشو فوق نيلو باش يسهل حملو واطبعيه بنفس الطابع والعجينة الخضراء حليها في الماشينة ومرريها على القطاعة اللي تخرجهم شرائط عراض حلي العجينة البيضاء وستفي فوقها الشرائط بنظام واحملي القطعة كاملة وحليها رقيقة باش يتثبتو فيها الشرائط واطبعيها ايضا بطابع الورقة وما تنسيشتغطي كلش بالنيلو من بعد حضري بياض بيضة ادهني فوق الحبة بتاع لعجينة البيضاء وحطي فوقها حبة الحشو وزيدي ادهني فوقها بالبياض وزيدي حطي الورقة المخططة وخلي نصف الورقة الفوقانية مش محطوط باش تحطي شوي خليط متكون من لوز مدشش بقشورو وبياض البيض حطيه على النصف من الحبة وغطيه بالورقة المخططة خليهم ساعتين ينشفو ثم طيبيهم في فرن متوسط مدة15 دقيقة لا اكثر انزعيهم وعسليهم وزينيهم بالملمع وشهية طيبة
( تقرير عن مشاركة سيئة )، و الموجودة أسفل كل مشاركة .
2013-09-30, 08:23
العرض الشجري