كارهة روحي

[مشكلتي]

السلام عليكم
ترددت باش نكتب مشكلتي ومن بعد قررت نكتبها،أنا عاملة في احدى الادارات عمري 25 سنة،مشكلت بدات كي جا مدير جديد لمؤسستنا هو راجل بزاف مليح وعاقل ويعامل العمال بطريقة رائعة،وحدي بديت نحس بلي راهو عاجبني ونتمنى يهدر معايا رغم انو كبير في السن ومتزوج وعندو اولاد،وانا والله العظيم عاقلة وخاطيني الهدرة مع الرجال بالصح هو ماعرفتش علاه،علابالي بلي هذا كله من الاختلاط وعلابالي بلي توسويش من الشيطان والنفس وعلابالي ثاني بلي ممكن يكون الفراغ العاطفي لي نعيشو بالصح واش ندير؟؟حرت والله العظيم راني حايرة في روحي،ساعات ما نحبش نروح للخدمة برك باش مانتلاقاهش وحتى اذا تلاقيتو نتمنى ما يهدرش بالظرافة معايا
راني حايرة في روحي وراني عايشة صراع داخلي كيفاش انا نحب واحد متزوج ومعجبة بيه لدرجة لا تعقل؟؟انا مازلت نعيش المراهقة؟؟ياخي راني ف25 سنة؟
كيفاش ندير قولولي؟؟راني كارهة روحي