اهلي يرفضونه بدون اي سبب

قطرة ندى حنونة · 2013-09-16, 13:33

السلام عليكم هدي ميش عضوية نتيعي
اولا انا مؤمنة بقضاء الله ومكتوبو
بصح كررررهت يا ناس خلاااص انا فتاة قريب نوصل لسن الثلاثين ونشفى من لي بداو يخطبوني ودارنا يجيبو سبايب تافهين
ويرفضو اسباب معندهم حتى معنى وكنت نقول ماعليش مازلت صغيرة وساكتة ومبلعة فمي
دوك خلاص كرهت يخلوني نستقر كاي بنت معقولة عائلة متهمهمش سعادة بنتهم؟
اخيرا جاء خطبني واحد كامل الناس يشهدولو بحسن السيرة ومش فايتني بزاف في السن بيناتنا 4 سنوات برك
رفضوه علي مطلق لاسباب وعندو طفلة مع يماها
وبداو يمنشرو وش يقولو الناس علينا داتو على مرتو ودوك يطلقك كيما طلق لولة والجيران ولافامي يقولك طاحت على مطلق
خلعوووني كانو مجرم
فهمتهم قلت لماما تخيلي صرات لخويا تحبي البنات يرفضوه
انا خلاص دوك منا وجاي اي واحد يجي انا لي نقول لالا
وتاني ماما راها حابة واحد من لافامي نتاع ختي قالهم عليا وانا ياناس منحبوش مؤخلرا كي رحت لختي وين صديت لقيتو مورايا حتى حشمت يوزن فيا على المباشر حتى جيت لدارنا خفتو والله ومن هداك النهار كرهتو
علاش علاش قولولي كيفاش نقنعهم كيفاش نحاول معاهم
وهل الانسان المطلق انتم بصراحة في نظركم حرام عليه يعاود حياتو؟
ادعولي لانو خلاص والله ضاقت بيا الدنيا وربي راه عالم
متقولوليش برك كلمي واحد من لافامي لانو معنديش املي في الله وفيكم على ايجاد حل لمشكلتي
سلام