أحس حياتي تضيع مني

[مشكلتي]

السلام عليكم ورحمة الله
أنا فتاة عمري 33 سنة
حياتي كامل وانا نقرا قريت أكثر من تخصص في الجامعة يعني منذ 1998 حتى 2012 وأنا نقرا وضيعت عمري في القراية
المهم نقول أنا نحب القراية بزاف بزاف وكانوا يجيوني خطاب وكنت نرفضهم وفي الأول والأخير كلشي بالمكتوب
السنة جاني خاطب من العايلة الكل أثر فيا باش نقبل مع أني في حياتي ما شفتو وهو يعرفني المهم حصل القبول وجاو عايلتو والعقد الشرعي بعد عيد الأضحى ولحد الساعة ما شفتوش
أنا اللي غايضني ماهوش أني نشوفو ولا نعرفو
اللي غايضني أني حسيت روحي ضيعت تعب 14 سنة دراسة في الجامعة وضيعت حياتي كي قبلت نتزوج رغم انو قال تدير واش بغات يعني سمحلي ندير واش بغيت من ناحية القراية ولا الخدمة رغم أني بغيت نكمل قرايتي فقط وما بغيتش الخدمة
نحس روحي أني عرقلت حياتي وصراتلي كيما المثل اللي يقول على آخر سنبلة قطعت صباعي
المهم أرجو منكم النصيحة دون التجريح من فضلكم ولا تقولوا لي في عمرك 33 سنة إلخ ألخ لأني نحس روحي مازلت صغيرة وما نحسش روحي بايرة كيما راكم تقولوا على نتاجاتي
والزواج في يد ربي سبحانو ومكتوب قبل كل شيء