اللي يجاوبني الله يجعل الجنة من نصيبو

[~~نهال~~]

لالالا هنا
مش اسقاط عمودي لانها مجرد زاوية برك
مثلا شوفي
نفرضو عندنا زاوية مجهولة الفا
هنا
مثلا كي يقولك القالي الكوس تع 2012 بي + الفا نتي عندك 2012 عدد زوجي يعني دور دور دور هههههه و دور 2012 مرة و كي تحبس تحبس كيما بدات لانو زوجي هنا تقوليلو
الكوس تعها يساوي الكوس تع الفا
لانو الفا قبل ماتدور كانت كوس الفا دورتيها 2012 مرةدارت و رجعت كيما كانت
اما مثلا اذا قالها
الكوس تع 15 بي هنا تولي يمشي و يوصل عند بلاصة بي يعني على اليسار
علاه ؟؟
لانو 15 فردي
14 وصلت عند ال0 كيما مالفة و زدتيلها 1 بي يعني مشات نص دورة لانو نعرفو بي يمثل نص دورة سما نصف الدائرة
هنا كي تولي في جهة اليسار يعني
كوس تع 15 بي + الفا هنا جيبي ستيلو
تلقايها جات في الربع السفلي اليساري يعني التحت
و ديري الاسقاط تلقاي
كوس تع هاذي الجديدة تساوي العكس تع كوس الفا يعني اول زاوية درناها الاولى خلاص
مفهوم؟