صور لمقروطي

[شاملة لينة]

واش رايكم في مقروطي ؟؟ رايكم يهمني




بناء على طلب بعض العضوات اليكم الوصفة حبيباتي .
3 كيلات سميد متوسط (دشيشية)
كيلة سمن المدينة ذائبة
قرصة ملح
تخلطيهم و تخليهم ليلة كاملة
من بعد تحكمي هذا المزيج و يضيفيلو (كمشة فرينة ) و (2 حبة بيض متوسطة مضربين في شوية ماء الزهر) و تحكيه بين يديك مليح

و تبداي تنحي بشوية من هذا الميج و تشمخية بماء الزهر ( قيس 2 حرلبش تقريبا ) باه ما ينشفلكش بسرعة و تضطري تزيدي الماء
و تشكلي حربوش و تديري الغرس و تغلقي عليه بحيث تخرجي منه الهواء
بالنسبة للحشو نتاع الغرس
تنقي الغرس و تفوريه
انا نعقبو في الرحيوة نتاع الفلفل اذا ما عندكش امرسية بالشوكة زيديلو شوية زبدة او زيت (افضل الزيت ) كمشة كوكاو محمص كمشة جلجلان محمص قرفة واذا تحبي شوية قرنفل انا ما نديروش ابي ما يحبوش
كي تكملي تقطاع المقروط كامل تسخني الزيت و تطيبيه بحيث يغطيه الزيت و ما تقلبيش
بمجرد ما تنحيه من المقلاة تحطيه في عسيلة دافية ( كيلة ماء و كيلة سكر ماء شوية ماء الزهر ، ليمون او شوية شب حجرة لمنع تبلور السكر ) و عندالتقديم نزيد نعسلو بعسيلة خاثرة شوية باه يبقى اللمعان و نزين بجلجلان محمص
ملاحظة
انا نستعمل غرفية نتاع الشربة كمكيال و تنتجلي عنها اكثر من60 حبة