سبحان الله
تقريبا انا مريت بنفس الظروف بحكم اني يتيمة وانا الكبيرة وربيت خواتاتي الصغار صارت عندي مسؤولية كبيرة وتعلق اكبر بالأسرة تاعي لدرجة اني وليت كي يجيني خطاب نبدا نخمم كيفاش انا نروح على دارنا ونخلي ماما وخواتاتي .. ومن كثر ما عانيت ولات عندي فكرة باللي انا خلاص مانقدرش نزيد نتحمل أعباء ومشاكل أخرى ومانقدرش نسعد الانسان اللي رايحة نديه ..ووليت نشوف في الزواج جبل
اديها من عندي نصيحة أخي الكريم ماتضغطش عليها خليها على راحتها بالعكس احتويها وادخل في حياتها حبة حبة لازم تصبر وانشاء الله تنال ..بينلها باللي انت الشخص لي راح يتقاسم معاها همومها ومشاكلها وافراحها وانت لي راح تصنع سعادتها وباللي راك قابلها كيما راهي...خرجها من الازمة لي راهي فيها مسكينة نفسيتها راهي تعبانة ..صدقني ساعتها راح تبدل فكرتها وتولي تشوف فيك غير انت في هاذ الدنيا
وصدقني الواحدة لي تعيش هاذ الظروف واليتم يكون عندها حنان كبيييير راح تخرجو في اسرتها وتبذل مجهود كبير باش تسعدك
انت برك اصبر وماتتخلاش عليها ..اوصل بيها لبر الأمان وانشاء الله يعوضك ربي على صبرك خير وسعادة وهناء
( تقرير عن مشاركة سيئة )، و الموجودة أسفل كل مشاركة .
2013-08-15, 10:12
العرض الشجري