الإجازة الزوجية بين رغبة الزوج ورفض الزوجة

[ام نسمة]

السلام عليكم
اردت ان اطرح اليوم عليكم موضوع هو واقعي ومهم عند كل الازواج في مختلف شعوب العالم
لكن عند الجزائريين له ىشكل خاص مابين رفض المرءة للفكرة والحاح الرجل بشدة على تطبيقها الا وهو الاجازة الزوجية التي تصبح اجبارية في معظم الاحيان من قبل الزوج
نعم صحيح ان الزواج يحتاج لعطلة وكلا الطرفان محتاج ان يتباعدا فترة عن بعضهما فهذا يعطيهما فرصة للراحة وفرصة للتفكير في مختلف جوانب الحياة دون ظغط
الا ان معظم الازواج الجزائريين يفرضون هاته الاجازة على الزوجات منم هربا من ضوضاء الاطفال فيشتاق للهدوء بعيدا عن الضجة
ومنه من يحن للايام الخوالي ..........وللعلم انه يوجد ازواج ان لمس في زوجته عدم رغبتها في الذهاب لبيت اهلها فانه يترصدها ويتصيد اي خطئ قد يبدر منها .......فيجبرها على الذهاب بعد ان يختلق مشكلة ................يعني كي يعول هي رايحة رايحة تحب بالملاحة تحب بالخناق
ونقاشنا هنا سيكون
-لماذا الزوجة تخاف عندما يلمح او يصرح او يجبرها زوجها على اخذ عطلة زوجية
-في بعض الاحيان وانا شخصيا صراتلي عدة مرات كي نذهب لبيت اهلي ضيفة مانلقاش روحي مرتاحة لانو ولادي يتضاربو مع بنات خوالهم واماهاتهم يزعفو ويكبرو المشكل والدار ترجع فوضى ولادي مع بنات خويا مع وليد اختي الله يبارك راه عندنا 8 اطفال في العايلة ايا تخيلو الدار كيفاش بالعياط والمضارب مانرقدو في راحتنا ما ناكلو في راحتنا مانحكو في راحتنا
اذن وهاذي الحالة راها عند العديد من النساء لكن الزوج ماعلابالهش بيها تدبر راسها قال تروح لازم تروح
فالمرءة هنا تغضب وتشعر ان زوجها يفكر فقط في راحته الشخصية
اعود للسؤال لماذا هاته الانانية من قبل الرجل هل معنى العطلة الزوجية راحة لكيلايهما ام راحة شخصية يحققها الزوج باجبار زوجته او الالحاح عليها للذهاب من البيت احيانا لايبالي حتى الى اين هي ذاهبة ولايمانع ان كانت زيارتها لغير بيت اهلها ...........المهم تروح
يعني بعد كل هذا الكلام نستنتج ان الاجازة الزوجية في الجزائر ههههههه ياسلام غير كل شعوب العالم فهي بالاجبار
ونسيت ان اذكر انو زوجي كي يحبني نروح يقولي على صحابو فلان مرتو راحت لدارهم قالي راني حاكمها بالقالو وفلان مرته قالي ما نجيبهمش حتى على سمانة راني غاية بلا بيهم ......؟؟؟؟؟؟؟؟؟ وكثرت الامثلة
اذن انا في هاته الحالة اطنش ونقوله في قلبي غير مكان لاش تبقى تعبرانا من الدار مانخرجش ههههههه
يعني وترجع القضية قضي عناد ......وهنا المشكلة
اذن اخواني اخواتي المتزوجون بكل صراحة وموضوعية ماهي نظرتك/ي للإجازة الزوجية
هل هي لازم حقا
وماهي السبل للوصول لحلو ل ترضي الطرفين وتجعل كلاهما يستمتع باجازته الزوجية في نفس الوقت وليس ان تدفع الزوجة ثمن اجازة زوجها وراحته على حساب راحتها النفسية خصوصا عندما تجد نفسها مجبرة على مغادرة البيت

وفي اغلب الاوقات كي يلح عليها او ل شي تشك في خيانته ليها وانو مخطط لامر ما من وراء ظهرها
انتظر ردودكم المفيدة كاالعادة