عرايش معسلين من سلسلة حلويات الأفراح والأعراس والأعياد

[حفيظة42]

خصيصا ردا لطلب الأخت "حب الله لا يعادله حب"

سبق ووضعت موضوع ل صور حلوياتي الخاصة بالمناسبات والأفراح ووعدتكم بإتمامي لسلسة الحلويات لكن الله شاهد علي بأني لا أجد الوقت لأرفع الصور من جهازي

وبناءا على طلب الأخت قمت بالسهر اليوم لرفعها لكم بالرغم من أني على وشك النوم على جهازي

المهم نعود للحلوى "عرايش معسلين" هي حلوة سهلة لكنها تأخذ الوقت على هذا نوصيكم بالاستعانة بالوالدة أو الأخت كيما قالو ناس بكري "المعاونة تغلب السبع"

مقادير العجينة:
3كيلات فرينة
نص كيلة زبدة ذائبة
قرصة ملح
ونلمها بماء وماء الزهر نقسم العجينة وندير اللون للنصف الآخر

مقادير الحشو:
3كيلات كوكاو
كيلة سكر
فانيليا
zeste de citron
arome de citron
3بيض

التحضير:
نخلط الفرينة والمارغرين وقرصة ملح نلمها بالماء وماء الزهر
نقسم العجينة لنصفين ونضيف للنصف الأول ملون وردي
نحل العجينة في آلة البقلاوة من 2 حتى رقم7

الحشو: نخلط الكوكاو والسكر والفانيليا وzeste de citron وarome de citron ونجمعها بالبيض أنا تلايملي ب3حبات بيض (حسب الكيلة لي كيلتو بيها)

نقطع بطابع دائري رقم 8العجينة الملونة وبرقم 9 العجينة البيضاء

نحط العجينة الملونة على العجينة البيضاء ونقلبها (بين العجينتين نستعمل بياض البيض باش نلصقهم مع بعض)

نحل العقدة فوق الفرينة ونقطع برقم 7 ونحطها فوق العجينة استعملي بياض البيض باش تلصقيهم مع بعض

ونشكل عرايش

نشكل وريدات بنفس العجينة واحدة صغيرة وواحدة كبيرة ونزينها فوق الحبة

دخليها طيب ومن بعد عسليهم وقطريهم