ثاني حلوياتي لعيد الفطر 2013 **حلوى ليسمارتيز**

ام ساجد · 2013-08-03, 21:27

البسملة1

السلام عليكم وصح فطوركم
هاذ الحلولى شفتها في احد المنتديات وهي لاخت جزائرية جزاها الله خيرا مع بعض التغييرات

اولا المقادير ** نحتاج عجينة التزيين الجاهزة لكل علبة نضيف 2 مغارف نشاء+ مغرفة زبدة
الحشو1** 250غ لوز مرحي + 125غ سكر ارتب + 2 مغارف زبدة ذائبة + 100غ شوكولا
اوممكن نغير في الحشو
الحشو2** كيلة كاوكاو + نصف كيلة شامية + كاكاو + نصف كيلة سكر ارتب ونلم بالعسل
انا درتهم في زوج وجاو بنان

نخلط مقادير الحشو مع بعض

نضيف لعجينة التزيين مغرفة زبدة و 2 مغارف نشاء ونعجنها مليح

ونضيف ليها شوي ملون ابيض

وناخذ شوي عجينة ونلونها بالوان مختلفة حسب الرغبة

ناخذ كرة من العجينة ونحلها فوق Gلاصي ونذرذر عليه النشاء باش ما تلصقش
ونعمل كريات صغار من العجينة الملونة ونحطها بشكل عشوائي

ونزيد نحلها بالحلال فوق الGلاصي

ونحط حربوش من الحشو

ونلف لفة ونقطع ونمسح عليه باللماع

ونقص على شكل مقروضات

ونحط في لكيسات

وتقدم

اقرب

ان شاء الله تعجبكم وتجربوها لانها رائعة وبريسونتابل