اقتباس:
المشاركة الأصلية كتبت بواسطة ام اماني77
السلام عليكم اخواتي
واشراكم مع السخانة ان شاء الله بخير
انا البارح كانت عندي عرضة زوجي عرض صحابو
الحمد لله كل شيء جا هايل للاسف ماكفانيش الوقت نصور
اليوم نسخن واش بقى ونزيد فلوتي الخضار راني تعبانة
فقط حبيت نقولكم اسمحولي كي حطيت وصفة كيكة التوفي غلطت في المقادير بدل كاس نواد كوكو كاس ونصف نواد كوكو عاودتها البارح هاااايلة عجبتهم بزاف
بالنسبة لخبز الدار شفت تطبيقات الاخوات ماشاء الله بصح مايجيهومش طالع ممكن البلاطو نتاعي صغير شوية عليها يجيني طالع ننصحكم كي تقرصوه ماترقوهش باه يجيكم كيما نتاعي طالع
بالنسبة للاخوات لي يراسلوني على الخاص نقولهم اسمحولي مانقدرش نراسلكم
راح نجاةبكم هنا
اختي ام محمد تاج الغالية
مقروظ الكوشة سبق وحطيتو موضوع بالخطوات انا نستعمل سميد السفينة المتوسط راه يتباع بحجم1كغ
ننصحك فقط خلي السمن يبرد بعد ماتذوبيه ماتلوحيهش سخون باه مايتشققش المقروظ كي يطيب
بسيه مليح وكي تضيفي الماء ماتعجنيش غير لمي العجينة خليها ترتاح من بعد شكليه
كي يطيب خليه يبرد تماما من بعد عسلي الكمية لي تحتاجيها
اختي سهى اسمحلي فعلا وعدتكم بمقرقشات الفراشة لكن مع الصيام والسخانة ماعملتهومش غير نعملهم راني نحطهم
نقولكم صح فطوركم
|
بارك الله فيك على التوضيح
انا من متتبعي مواضيعك
( تقرير عن مشاركة سيئة )، و الموجودة أسفل كل مشاركة .
2013-07-28, 15:59
الجزء 19 من واش طيبتي في رمضان المبارك شاركونا موائدكم الرمضانية
العرض الشجري