قعدة في قسم المجتمع ج16.قعدة خاصة

سعاذ · 2013-07-26, 23:15

اقتباس:

المشاركة الأصلية كتبت بواسطة soso sirin

سلام و صح فطوركم و مرحبا بالضيفات الحلوات في صالون مريم بضيافة نيروز .و اسئلتي هي
انعدام المسؤولية و الاستهتار و انتشارهما وسط مختلف شرائح المجتمع ماهي اسبابه
ماهي نظرتكن للزواج الحديث
ماهي اسباب انتشار الجريمة في مجتمعنا خاصة في الاونة الاخيرة
كيف اثرت النت على المجتمع الجزائري عامة و عليكن بصفة خاصة
سهرة ممتعة للجميع و ان شاء الله مانكونش قويت عليكم الاسئلة مي والله دخلت في جالكم هذا الوقت .الحمد الله الي راكي مليحة سعاد

السلام عليكم
اهلا وسيلة ان شاء الله تكوني مليحة
جبلي ربي ان سبب رئيسي لانعدام المسؤولية يرجع الى التربية و الاسرة
الطفل لي يتربى على الانانية و حب الذات مستحيل يخمم في غيرو وهو يدير اي تصرف
و ثاني يرجع الي غياب الضمير في كل الميادين
بالنسبة لزواج نقول لي يتبني على صح يعمر و لي يتبني على لكذب و مظاهر خداعة وزائلة نسمة خفيفة تحطمو
وزواج تاع ذوك غلبت عليه المظاهر ومديات ونساو الحكمة الحقيقية من الزواح الا من رحم ربي ربي يصلح احولنا و يعطي كل واحد على حساب نيتو
اسباب انتشار الجريمة بزاف كاين اسباب اجتماعية اسباب اقتصادية اسباب اخلاقية
بالنسبة للمجتمع كاين لي نات كانت دافع ليهم باش يتقدمو وكاين لي خلاتهم في بلايصهم متحركوش
بالنسبة ليا النت اثرت عليا بزاف و عونتني في حواج بزاف من خلال النت تعلمت حوايج مكنتش نعرفهم من خلال النت تعرفت على طرق تفكير جديدة تعرفت على عقليات جديدة توضحتلي صور بزاف كانت غامضة بالنسبة ليا صراحة حتى اني تاثرت باشخاص و طريقة تفكيرهم و ثاني نات منعتني على حوايج كنت نديرهم كيما بعض اشغال اليدوية