تارت باردة امممممممممم

[ريتاج تيارتية]

السلام عليكم يالزينات ويا الفحلات اليوم جبتلكم تارت باردة جربتها البارح جات هايلة كنت ديتها من كتاب العالية خليفي درتها غير في مول صغير قلت
حتى نشوفها كي عجبتي انشاء الله نعاود نخدمها في مول اكبر مانطولش عليكم
نبدا بالمقادير
نحتاج علبة بسكويت (كاسكروط) +حبة بيض +2ملاعق اكل مارغرين طرية+3ملاعق مايزينة +4ملاعق معمرة بالسكر+
2كيسان تاع حليب (2/1 لتر)+ملعقة اكل كاكاو+ملون احمر عطر الفراولة
التزين نحتاج كرز مجفف ولاجولي


طريقة التحضير
نضع في كسرونة الحليب والبيضة والمرغرين والسكر ونخلط جيدا ونضعها فوق نار متوسطة مع مواصلة الخلط بواصطة ملعقة خشبية حتى يغلي الخليط نحها من فوق النار
من جهة اخرى ناخذ المول اللي باغي ندير فيه نحكم البسكوي نغطسه في الحليب البارد ونستفه في المول

ومن بعد نرجع للخليط نقسمه على قسمين
نضيف للقسم الاول الكاكاو وملعقة ونصف مايزينة ثم نضعه فوق النار المتوسطة مع الخلط حتى يغلي ننزعه من فوق النار ونفرغه مباشرة فوق طبقة البسكوي ثم نغطي بطبقة اخرى من البسكوي
ناخذ القسم الثاني من الخليط ونضيف له قليل من الملون الاحمر وعطر الفراولة وملعقة ونصف مايزينة ونضعها فوق نار المتوسطة مع الخلط حتى يغلي نفرغه مباشرة فوق البسكوي ونخلة يبرد شوي وندخلووووه للثلاجة يبرد مليح حتى يشد روحه مليح نحوه من المول ونزينه من الفوق بالاجولي والكرز ونقدمه بارد

وهاذي القطعة نهديها قاع اللي ترد على الموضووووع ههههه

وهذا للتعذييييييييييييييييييييييييييييب وعععععع

واااااااااااااااااااااااااااااااااااش عجبتكم