السلام عليكم ورحمة الله تعالى وبركاته
انشا الله كل العضوات يكونو بخير
البارح خياتي كنت معروضة في دارنا وخممت واش ندي معايا قلت ندير حاجة مالحة على خاطر خاوتي الي عرضوهم كامل اكيد يجيبو حاجة حلوة فقلت انا ندير حاجة مالحة وفكرت ندير كيك مالح
والطريقة:
في مقلية حطيت شوية زيت + بصلة مقطعة رقيق+ جزرة مقطعة رقيق+دجاج قطع او لحم مرحي+فلفل اسود+ملح وقليهم مليح وخليهم يبردو
من جهة اخرى خلطي 4 حبات بيض+15 ملعقة كبيرة حليب+7 ملاعق كبار زيت + ملح + فلفل اسود + 15 ملعقة فرينة ومعاهم 2 باكي خميرة كيميائية + قطع فرماج طري + زيتون مقطع دوائر وضيفي عليهم خليط الدجاج المقلي وخلطي كلشي ثم فرغيهم في لي كيسات تع المادلان ودخليهم الفرن مسخن من قبل وحمريهم من الفوق
زينتعم بحبة بطاطا مغلية + فرماج ودرتهم في الكيس الحلواني هادي العفسة تعلمتها من عند ام رامي ربي يخليها ورشيت عليهم شوي معدنوس
انشا الله يعجبوكم
يهمني رايكم فما تبخلوش عليا
صحة فطوركم
( تقرير عن مشاركة سيئة )، و الموجودة أسفل كل مشاركة .
2013-07-21, 11:14
كيك مالح...بنيييييييين
العرض الشجري