السلام عليكم و شكرا لكن على المرور في صفحتي شرفتوني
وللاخوات الي سالوني على الجلبانة بالدجاج محشي
انا راني درت جلبانة وطيبتها عادي درتلها صوص بيضاء
و احكمت صدر دجاج نيء و ارحيتو في الروبو كي الكفتة و
زتلو غير الملح و الفلفل اكحل و حليتو فوق ساشي و بالحلال
حتو ولا ارقيق و امبعد وجتلو حشوة درت فيها الفرماج كعبات
و الفرماج شيدار مرابي و المعدنوس و امعستهم بالفرشيطة حتى
ولاو كي البوماد و امبعد حطيط الحشوة على الحاشية تاع الدجاج
و انرولي في الدجاج بالساشي درتو رولو و اقليتو في المقلة فيها
زيت و زبدة غير ماتكثريش الزيت مايكونش غزير و كل شوية تقلبيه على جهة
وتكون النار ناقصة يعني يطيب بعقلو و كي طاب و تحمر جبت صحن التقديم
حطيت الجلبانة و زينتها بالرولو تاع الدجاج محشي بعد ما قطعتو دوائر و جربوه و
ماتندموش راو اجي ابنين و راقي
( تقرير عن مشاركة سيئة )، و الموجودة أسفل كل مشاركة .
2013-07-13, 17:35
العرض الشجري