بساط إجتماعي رقم 1

سدرةالمنتهى · 2013-07-13, 17:06

اقتباس:

المشاركة الأصلية كتبت بواسطة مريم الصابرة

السلام عليكم اختي
هذا الغرض نتعرفو على الناس من كل ولاية من خلال عيون الأعضاء
وهذا انا نتفكر في رمضان يكثرونا من علاء الدين وسندباد
تزحشت يامات الصغر ما تقولي لحتى واحد حبيت نحوس فوق التابي كان طاحت بيا خلات
القرن العشرين فايت علينا كامل لالة لازمك تجي وتشرحينا على اهل ولايتك او ما راكيش حابة تقلوي واش من ولاية
لازمك ديرينا تعريف مبسط على ولاستك هذا هو القانون
صحا فطورك

وعليكم السلام
اختي مريم خسارة عليك انا كي شفت البساط و الله غير فرحت كيفاش مانشاركش
ايا اركبي معايا و بلاك نطيحو نديك لولايتي فهي غنية عن التعريف و انت ادرى بها رما افضل مني ولا ية الجلفة وظرك عرفتني انا منين

فهي حالها كحال ولايات اليوم بعيدا على الطابع الاقتصادي و الثقافي و الجغرافي فقط اردت ان اتكلم على الطابع الذي يميزها وهو الكرم و ثم الكرم ........ يعني كرماء جدا ينحيها من جلدو و يعطيها للضيف عندنا مقولة نقولوها لضيوفنا كي يجونا و هي كي يفوتو 3 ايام تصبح من اهل الدار يعني لو تجيني مريم للدار نضيفك و نقوم بيك غير 3 ايام و من بعد نخليك تندمجي معانا

و تديري واش يحلالك في المنزل ماعدناش عقلية نزعف على صوالحي و لا نقول خسرت و ضيقت الضيق في القلوب

هذا واش نقدر نقلك عليها اننا نفرحوا بالضيف كثيرا
ربما هذه هي الميزة التي طبعتها على منتدى الجلفة ظرك نزيد نجمة عليك

منتدى ولا يتي و انتم ضيوفنا الكرامنا شفتو كيفاش قايمين بكم احم احم

اي خطا نحظرو الزائر يعني محافظين جدا

: هذا ما لاحظته حسب وسطي و بلدتي التي اعيش فيها مازلنا شادين في عاداتنا جدودنا نتع الحياء و النية الصافية و انفصال قاعات النساء وحدهن و الرجال وحدهم سواء في التجمعات العائلية او الاعراس و الاقراح نسبة الاختلاط ضئيلة جدا عندنا
كشما تزيدي تسقسي راني هنا و مشكورة مرة اخرى والله عجبني الحال على البساط