معدّل الثلاثي الأخير (كشف وملاحظات) "تنتقل إلى السسنة الثالثة ثانوي"

[نعمة القدوس]

السسلام عليكم ورحمة الله تعالى وبركاته

عسساكم بخير إخواني ؟


أممممم .. البارح وأنا نصلي فالعشاء بقيت ندعي في ربّي
"يارب خفف عليّ الصدمة كيما يجي المعدل"

ويا سبحانَ الله تقول حسسيت بييه
لغدوة جا المعدّل !

واتخيلو .. العبد راقد ويجييو ليه وينوّضوه "نوضي نوضي ! أي جات البيلتان"
وزيد صايمة من فوق كلّش
وواش من بيلتان ؟ مع حليت عينيا شفت الـ"خلْية"

المهم .. الحمد لله، أحسن من اللي توقعت بالصح مانيش راضية خلاص بهاد المعدّل
والله ماني راضية على روحي
كنت قادرة نجيب أحسسن منو. ولكن قدّر الله وماشاء فعل


المهم
نخليكم مع المعدّل (قصدي البيلتان) تشوفوه
وفيما يلي بعضْ الملاحظات على النقاط وغيرها من الأمور

https://upload.dinhosting.fr/P/6/j/img123.jpg



ملاحظات :

- المعدّل ما عجبنيش (أي تهدر وتعاود).
- الـ15 تأخر هادوك حرت كيفاه حسسبوهملي، بالرغم من أني جامي تأخرت ورحت للرقابة ! بالاك المراقب اللي عند الباب يضل يحسسب متلا ؟
- بالنسبة للرياضة والله غير تحسسنت ! هذا لأني تلاتي كامل وأنا نلعب غير مع الذكوور هههههه .. الفوج تاعي غير ذكور، هكدا باه تعلّمت الانضباط أكثر. على الأقل تقدّمت شوية في حاجة
- 14 فالفرنسية ؟ دييك الزبلة، وأنا حطييت روحي والله خدمت خير من الانجليزية، سع جبت فيها 19. زعما ستيكييتلها الفقرة بالوصف وكلشش !
- يعني باه مانكدبوش! كاين أساتذة عاونوني فالنقاط. لا أدري أنا ماشفتش ورقتي ولا سلّم التنقيط، ولكنني لم أنتظر هكذا نقاط
- طلعت فالمرتبة، من اللي كنت الثالثة في القسم استعدت مرتبتي وصرتُ الثانية.
- 19 في تقويم العلوم ؟ أمممم والله واقيلا عجبها البحت اللي درتو !
- 20 في تقويم الرياضيات ؟ الاستاذة مازالت تثق في قدراتي بعد التخليطة اللي حطيتهالها في ورقة الاختبار ! (مشكورة).
- الاجتماعيات أنا مالقيتش كيفاه نديرلها، 15 فالتقويم و15 فالمعدل الفصلي (أني ماهتميتش بالسنوي مناه هي ماقراتناش فالفصول الأولى) وتقوللي عمل جيد جدا ! فالاختبار قتلت روحي على جال الحرب العالمية هاديك، الورقة عدلتها ملييح الفقرة الخريطة .. كلشش، حفظت جميع المصطلحات والشخصيات، وفالنهاية ندي 15.5، والله مالقييت واش نفهمم أنا درك
- آخر ملاحظة : "ينتقل إلى السنة الثالثة ثانوي" وهذا هو الأهم، الآن انتهت السنة الثانية وجات الحرب ! الحرب على البكلوريا. الله يوفقنا للانتصار فيها والخروج منها بأقل الخسائر بإذن الله.

أنهيتُ الكلامَ والتمنشيرَ، وأتمنى ألا أكونَ قد أطلتُ عليكم،
في الختامم نحب نبارك لكل منتقل إلى السنة الثالثة
وكذلك إلى المنتقلينَ إلى السنة الثانية بما أنهم هم من "دوميناو" على القسسم
وللذينَ لم يحالفهم الحظ، مازال الحال
زيدوا أخدموا أكثر، والله سيوفّقكم لكل خير



ملاحظة صغيرة
بالنسبة للمشروع الذي قد يبدو لكم أنني أهملته (يعني صح أهملته ولكن راهو ديما في بالي)
سأعمل عليه وأنهيه قبل النتهاء العطلة بإذن الله


والسسلامُ خيرُ ختام