وَردْ الفُلْ لـ كُلّ نـآجِحْ , ضعْ مُعدّلكـ , أوصفْ شعُورَكْ , كيف كـآنت ردّة فلعلكـ , ثُمّ افتَحْ هَدِيّتِي =)

Nina DzZ · 2013-07-06, 20:16

ســـلام
مبرووك عليكم خاوتي ، و العام الجاي ان شاء لله لـ اللي ماجابووش
ميرسي عليك ختي هدية روعة

هذاك النهار نضت صباح شعلت الميكرو و على غير العادة هع هع هع
قعدت سييـت الموقع ماحبش يمشي
فتحت الفايس بووك كونيكتيت واحد الساعة
امبعد ديكونيكتييت الله غالب الفيـيييد واحد ماكان مكونيكتي
كنت رايحة نطفي الميكرو
عاودت فتحت السييت لقيتو مشا
ما أمنتش حتى كتبت رقم التسجيل
و خرجتلي ناجح ، معدل 13.68 قريب من الجيد
بديت نسووغ و نسووطي

لله غالب الفرحة
زدت شفت لبنات خالي و لقيت روحي دييت خير منهم
لتما فرحت و فرحت بزااف و لله ، فرحة لا مثيل لها
مي ماهي إلا دقائق معدودة حتى قلتلهم واقيل غلطولي، ماكاش منها
قلبي كان فـ cym ستنيت ،، هاذاك النهار كامل جاز و أنا نستنا
رحت لـ cym غدوة من ذاك و لقيت نفس المعدل و زدت فرحت
مي قعدت نستنى حتى طلعت الكشف
لله غالب موسوسة :d
و لتما حسييت بسعادة موحال نحس بيها مرة اخرى
اون + لقيت روحي ديـت 17 فالتاريخ و الجغرافيا

حقا فرحت ! يا له من إحساس