المهور بالمزاد العلني.....في مدينتي

[ويناروز]

المشاركة الأصلية كتبت بواسطة همسة مشاعر

السلام عليكم ورحمة الله
اختي نيروز اولا انا عاجبني اسمك وكينشوفونتمنى نسمي ابنتي في المستقبل نيروز
المهم راكي انتثى ومن حقك تهدري على المهور المهر راه ربي كرم بيها المرأة لانها غالية ومن حقها ثاني تطلب اي مهر يليق بيها
لكن واش تقولي في زمن اصبح الزوخ والفوخ اشهر شيء عند النساء
احنا المراة الشاوية وخاصة في تبسة والله صراحة
لو تشوف كل عرش في بئر العاتر مكانش مراة في عرسها متشرطش قطعة ذهب واحد قيمتها 40 مليون قطعة وحده وحتى اذا لم تشرط قطعة 40 مليون اهل العريس يجيبو ليها مقياس او محزمة ب 30 حتى 700مليون
لماذا
خاطر اهل العريس يحبو يبينو رواحهم واهل العروس لازم يزوخو ويشرطو باش بنتهم تبان هي كلش وراه قيمتها كبيرة والنفوس الله يعلم
زيد حاجة اخرى احنا في اعراسنا الي متلبسش الذهب وتكون معمرة كيما المانكة تاع السايغ والله يضحكو عليها راهو وقت والعياذ بالله اصبحت المراة مظهرها واصلها وفصلها ذهب للاسف
للاسف في تبسة المهر غالي الي يحب يتزوج يخسر 200مليون بخلاف الصالات تاع العرس انا حكيتلك على منطقتي
اما عن المهر والمزاد العلني بالنسبة الي معندهمش باش يتزوجو ربي يسهل ليهم وكل واحد يطلب ربي يطيح في بنت حلال

المشاركة الأصلية كتبت بواسطة شاملة لينة

الحمد لله احنا في منطقتنا كل واحد بمقدوره.......... اللي عندو يحط واللي ماعندوش ما يكلفوهش........ ونفس الكلام على المرأة إذا عندها تدي جهاز معتبر و إذا ما عندهاش........ تدي حاجة قليلة... حنى التصديرة ماتديش............................................ ............... وصدقوني ماين عرايس عندهم المال وما تصدروش لان بعض الأمهات عندنا يرفضو التصديرة وعلى حد قولهم باش الزوالي ما يغير ما يكلف روحو...................

بارك الله فيكما وجزاكما كل خير

شكرا لمروركم الطيب بالموضوع