معدل 16.10 : صيدلـــة أم طـب !

[pradolixsara]

المشاركة الأصلية كتبت بواسطة la_safa

أهلآ أختي ، بآركـ الله فيكـ لاهتمآمكـ ،
ان شآء الله ستكون وجهتي الصيدلة ، نعم الأخ moumene19
عطآني المعلومآت الكآفية الشكر له ،

أختي الكل يخوفني من الخدمة يعني من المستقبل يقلكـ مآكآنش ؟
آسكو هآذ الهدرة صحيحة ؟
و آسكو قرآية الصيدلة أصعب من الطب ؟
الله يجآزيكـ كل خير اعطيني معلومآت خآصة كل عآم وش نقرآو فيه !!
عآمة فقط ،

و عذرآ على الازعآج

ماكان لا ازعاج لا والو انا في الخدمة
لكن للاسف انا فقط في السنة اولي يعني عديت للسنة ثانية و نقدر نفيدك فقط بمعلوما ت عن السنة اولي
اول شي بالنسبة للخدمة بالعكس الحمد لله كاين ناس كثير طمنوني انو الخدمة موجودة اما للصعوبات في الخدمة هاذي موجودة في كل القطاعات حتى الطب انا نعرف وحدة ماعندهاش قليل ملي تخرجت و الحمد لله تخدم الان و خصوصا انو زادولنا عام يعني اصبحنا ناخذ شهادة دكتور في الصيدلة و كلش بيد الله
- انا حسب ما شفت الصيدلة اصعب لكن اذا قريتي تجيبي عادي
- نقدر نعطيكي معلومات عن السنة اولي
حنا درسنا 9 موديلات و كاين موديل فيهم 2
- chimie générale تقراو فيها على الاحماض الاسس الكثير من الاشياء اذا تريدي اي معلومات عليها قوليلي هذا الموديل فهامة
- chimie organique تقراو فيها على كل شي يتعلق بالكربون موديل فهامة
- biologie végétale تقراو اشياء متعلقة بالنباتات ساهلة موديل حفاظة
-biologie animal فيها 3 اجزاء كل جزء في فترة في الاول تقرو cytologie اشياء متعلقة بالخلية و الثاني histologie اشياء متعلقة بالانسجة و الثالثة embriyologie اشياء متعلقة بتطور الجنين عند البرمائيات و الانسان هذا الموديل فيه الحفظ و الفهم
- anatomie هاذا الموديل حفاظة تقروا الاجهزة
- informatique + math هاذو فهامة
- science humaine فيها 3 - sociologie - communication - méthodologie هاذو للفهم بكفي
- les langue حوايج سهلة
- physique تعتمد على الفهامة
بالنسبة للسنوات الاخرى معلووماتي محصورة نعلم انو سنة ثانية كذلك اشياء عامة و السنة ثالثة ندخلوا قليلا في التخصص
و اذاا حبيتي اي حاجة او سؤال راني هنا