لكل من يريد المدرسة العليا للأساتذة علوم دقيقة

[mirou guelmoise]

المشاركة الأصلية كتبت بواسطة زينب07

11.69تقني رياضي هندسة كهربائية
انا نحب ندير علوم المادة مي قالولي صعيبة ومش راح تقدريلها انا متمنيا نقراها مي خايفة اني نندم منلقاش روحي فيها والا منطلعش فيها راني حايرة
وفي مايخص البيولوجيا يقراو فيها العلوم الطبيعية شويا تاع التانوي لاني جامي قريت علوم من 11 تانوي ومني عارفة والو
وفي مايخص الشبه الطبي انا قالولي عليها بلي تتفرعي فيها وعجبتي مي ساش فام كيفاه باه نديرها يعطولك ساشفام حسب معدل البكالوريا والا تقراي وادا تفوقتي فيها يعطوك اختيار مليح كيما ساشفام ربي يخليكم عاونوي راني حايرة واش راح ندير

سلاام
شوفي اختي في الجامعة مكانش حاجة ساهلة لكن درجة الصعوبة تتغير من تخصص الى آخر
مادامك حابة علو المادة ديريها علاه لا ؟؟؟
قرايتها ماهيش صعيبة بزاف+++ أنت تقني رياضي يعني راح تلقاي روحك فيها
أما بالنسبة للبيولوجيا غير اخطيك منها خاصة و أنت تقني و ماقريتيش علوم في السنة 2 و3 ++ فيها حفاضة بزااف و اغلب العلميين يخيروها يعني فيها الغااشي بزااف
أما بخصوص الشبه طبي فماعنديش معلومات عليها ,أتمن من الاخوة الأعضاء يفيدووك