طلباتكن اوامر ...مخبز الكراميل

[*أم ثازيري*]

السلام عليكن اخواتي
بعد الطلب المتزايد علي وصفة **مخبز الكراميل** قلت نحطهالكم و لو انو ماصورتش الخطوات بصح نوعدكم بلي كي نعاودو محطلكم جميع الخطوااااااات


المهم راني دقتو باكاوكاو جا هااايل بصح بالجوز ولا اروع و الله يهبل و لكن حرية الاختيار

المقادير
3كيلات كوكاو مقشر و مدشش و مقلي
1/2 كيلة سكر عادي
فنجال كراميل
2 م صغار نسكافي
1 فاني
عططر اللوز
2 م .ك عصير ليمون + قشور
بياض بيض


القلاصاج .
سكر قلاصي
فاني
3 بياض بيض
2 م.ك la gelée انا استعملت ماء الزهر
1 كاس تاي قارص
1 م.ص نسكافي
2 م.ك زيت
موكا

كيفية التحضير
خلطي الكوكاو + سكر + قشور الليمون + بياض بيضة
اضيفي الكراميل و اعجني + عصير الليمون مداب فيه النسكافي و عطر اللوز
اعجني مليح و ادلكي حتان يطلق الكوكاو الزيت نتاعو
حليه بالحلال و قصيه دوائر و طيبيه مدة 10 د
تحضير القلاصاج
في اناء ضعي بياض البيض و ضربيه بيدك غير شويه
اضيفي الفاني +السكر + القارص حتى تتحصلي علي عجينة كي الكسرة
اعجني ملييييييييييح من بعد اضيفي نسكافي دايبة في ماء الزهر و حلحلي العجينة و رايح تبدا تولي سائلة
اضيفي الزيت حسب الحاجة و تحصلي على قلاصاج مليييييح
نحي شويه منو و زيديلو الموكا باه تزيني من فوق
اغطسي حبات المخبز في القلاصج تم اعملي دوائر بخليط الموكا قيل ان يجف و باستعمال الكيردو تتحصلي علي وردات و زيني بحية قهوة من فوق
راهو كاين فيديو في اليوتوب نتاع طريقة عمل الوردات من فوق
هاو ليكم بصح ادا جات ام كوتر و هاوشتني منتفاهموش الهربة تسلك ههههههههههههههههههه
https://www.youtube.com/watch?v=2NxLIsXYRuo